Завяршыўся візіт у Рэспубліку Беларусь егіпецкай ваеннай дэлегацыі

Завяршыўся візіт у Рэспубліку Беларусь егіпецкай ваеннай дэлегацыі на чале з начальнікам галоўнага ўпраўлення баявой падрыхтоўкі і ваеннай адукацыі Узброеных Сіл Арабскай Рэспублікі Егіпет генерал-маёрам Асамам Махамедам Салахам Нагой.

На ваенным факультэце ў Беларускай дзяржаўнай акадэміі авіяцыі адбылася сустрэча дэлегацыі з начальнікам упраўлення ваеннай адукацыі Узброеных Сіл палкоўнікам Андрэем Клішэвічам. Таксама прадстаўнікі егіпецкай дэлегацыі наведалі Ваенную акадэмію Рэспублікі Беларусь і ваенны факультэт у Беларускім нацыянальным тэхнічным універсітэце.

Бакі падвялі вынікі і намецілі перспектывы далейшага супрацоўніцтва ў галіне падрыхтоўкі ваенных кадраў.