Генерал-лейтэнант Віктар Хрэнін уручыў ветэранам першыя юбілейныя медалі «80 гадоў вызвалення Беларусі ад нямецка-фашысцкіх захопнікаў»

Напярэдадні Дня Перамогі Міністр абароны Рэспублікі Беларусь генерал-лейтэнант Віктар Хрэнін уручыў ветэранам Вялікай Айчыннай вайны першыя юбілейныя медалі «80 гадоў вызвалення Беларусі ад нямецка-фашысцкіх захопнікаў».

Мерапрыемства прайшло ў сімвалічным месцы - Зале Перамогі ў Беларускім дзяржаўным музеі гісторыі Вялікай Айчыннай вайны.

За ўзорнае выкананне службовых абавязкаў кіраўнік ваеннага ведамства таксама ўзнагародзіў дзеючых афіцэраў Узброеных Сіл медалямі «За бездакорную службу» I ступені.

Міністр абароны Рэспублікі Беларусь генерал-лейтэнант Віктар Хрэнін:

— Гэта асаблівае і знакавае мерапрыемства не толькі для людзей у пагонах некалькіх пакаленняў, якія сёння тут сабраліся - пад зводам Залы Перамогі ў нашым музеі гісторыі Вялікай Айчыннай вайны, але і для нашых Узброеных Сіл. Таму што тут сустрэліся сучаснасць і будучыня нашай арміі, спадчына нашых пераможцаў.

Мне сёння было вельмі прыемна выканаць такую ганаровую місію. Не толькі як Міністру абароны, а яшчэ і як унуку ўдзельніка Вялікай Айчыннай вайны. І ўручыць медаль «80 гадоў Перамогі ў Вялікай Айчыннай вайне» нашым паважаным ветэранам. Іх засталося ў нас не так шмат, у краіне крыху больш за 1100 чалавек. Гэта надае асаблівую каштоўнасць сённяшняму мерапрыемству і накладвае на нас асаблівую адказнасць.

Тое, што мы сёння ўшаноўвалі афіцэраў, удастоеных медалёў «За бездакорную службу», гэта таксама знакавае мерапрыемства, таму што самаадданае служэнне Радзіме, імкненне станавіцца мацней, лепш, берагчы спадчыну, заваяваную нашымі ветэранамі, — гэта накладвае асаблівую адказнасць на нас.

Можна прыбраць помнікі з пастаментаў, як гэта робяць у некаторых краінах. Можна адмяніць святкаванне 9 Мая, але сцерці памяць немагчыма. І ў гэтай зале мы бачым: вось яны — жывыя, нашы ветэраны, нашы пераможцы. Большасць з іх ужо адсвяткавалі сваё стагоддзе, але яны прыйшлі ў гэтую залу, таму што гэта трэба было нам — уручыць ім гэтыя медалі. Бо ў нашай краіне традыцыі і помнікі недатыкальныя і бессмяротныя.

Лейтэнант Яўген Лапушка, «Ваяр», фота Уладзіміра Блінова