У рамках ўмацавання двухбаковага ваеннага супрацоўніцтва

23 снежня ў г. Бялградзе беларуская ваенная дэлегацыя на чале з начальнікам Дэпартамента міжнароднага ваеннага супрацоўніцтва - памочнікам Міністра абароны па пытаннях міжнароднага ваеннага супрацоўніцтва генерал-маёрам Алегам Воінавым удзельнічала ў кансультацыях прадстаўнікоў Міністэрства абароны Рэспублікі Беларусь і Міністэрства абароны Рэспублікі Сербія па планаванні ваеннага супрацоўніцтва на 2020 год.

Падчас кансультацый бакі абмеркавалі стан і перспектывы ваеннага супрацоўніцтва паміж абароннымі ведамствамі дзвюх краін, абмяняліся думкамі аб стане і прагнозах развіцця ваенна-палітычнага становішча ў еўрапейскім рэгіёне і свеце, а таксама падвялі вынікі ваеннага супрацоўніцтва за 2019 год.

Па выніках сустрэчы таксама быў узгоднены і падпісаны План двухбаковага ваеннага супрацоўніцтва паміж Міністэрствам абароны Рэспублікі Беларусь і Міністэрствам абароны Рэспублікі Сербія на 2020 год.

Акрамя гэтага, дэлегацыя беларускага абароннага ведамства правяла сустрэчы з Міністрам абароны Рэспублікі Сербія Аляксандрам Вуліным і начальнікам Генеральнага штаба Узброеных Сіл Рэспублікі Сербія генералам Міланам Майсілавічам.