У рамках міжнароднага ваеннага супрацоўніцтва

З 3 па 7 чэрвеня ў адпаведнасці з палажэннямі Венскага дакумента 2011 года аб мерах умацавання даверу і бяспекі інспекцыйная група Рэспублікі Беларусь правядзе інспекцыю вызначанага раёна на тэрыторыі Каралеўства Нарвегія.

Мэтай інспекцыі з’яўляецца праверка ваеннай дзейнасці, якая падлягае папярэдняму паведамленню ў адпаведнасці з палажэннямі Венскага дакумента 2011 года.

***

У перыяд з 3 па 7 чэрвеня ў адпаведнасці з палажэннямі Дагавора па адкрытым небе плануецца правядзенне назіральнага палёту сумеснай назіральнай місіі Італьянскай Рэспублікі, Фінляндскай Рэспублікі і Венгрыі над тэрыторыямі групы дзяржаў-удзельніц Рэспубліка Беларусь і Расійская Федэрацыя на венгерскім самалёце назірання AН-26.

Мэтай назіральнага палёту з’яўляецца кантроль ваеннай дзейнасці на тэрыторыях дзяржаў.

***

3 – 7 чэрвеня ў адпаведнасці з палажэннямі Венскага дакумента 2011 года два ваеннаслужачыя Узброеных Сіл Рэспублікі Беларусь прымуць удзел у наведваннях авіябазы і воінскай часці, якія арганізуюцца Каралеўствам Нарвегія для прадстаўнікоў дзяржаў-удзельніц.