МСВВ адкрывае дзверы

23 сакавіка 2019 года з 10.00 да 13.00 у Мінскім сувораўскім ваенным вучылішчы адбудзецца дзень адчыненых дзвярэй.

Мінскае сувораўскае ваеннае вучылішча – унікальная, адзіная ў сваім родзе навучальная ўстанова, якая заўсёды знаходзілася ў ліку лепшых у нашай краіне. За 65 гадоў існавання тут былі сфарміраваны і да гэтага часу падтрымліваюцца слаўныя сувораўскія традыцыі, якія перадаюцца з пакалення ў пакаленне. Вучылішча мае багатую гісторыю і велізарны вопыт навучання і выхавання будучых афіцэраў. Яно заўсёды знаходзілася ў ліку перадавых сярод іншых сувораўскіх вучылішч і 12 раз запар заваёўвала ганаровы пераходны прыз – бронзавы бюст А. В. Суворава, зацверджаны міністрам абароны СССР. Сотні хлопчыкаў па ўсёй краіне мараць аб пунсовых пагонах, але пакараецца мара не кожнаму: конкурс на паступленне ў МСВВ кожны год традыцыйна высокі.

У праграме дня адчыненых дзвярэй: сустрэча з камандаваннем вучылішча, азнаямленне з умовамі жыцця і быту сувораўцаў, элементамі вучэбна-матэрыяльнай базы; растлумачэнне асаблівасцей паступлення ва ўстанову адукацыi «Мiнскае сувораўскае ваеннае вучылiшча» ў 2019 годзе. Акрамя таго, на дне адчыненых дзвярэй будуць прысутнічаць начальнікі аддзелаў і службаў, педагогі, медыцынскія работнікі, якія змогуць адказаць на ўсе пытанні ў дачыненні да пачатку і правядзення прыёмнай кампаніі, падачы і афармлення дакументаў для тых, хто паступае, правядзення і падачы апеляцый, асаблівасцяў пры паступленні.

Па пытаннях узаемадзеяння звяртацца па тэлефоне (8 029) 630-12-76; Алена Іванаўна Шарапава.