Адкрыццё камп’ютарнай аўдыторыі роты інфармацыйных тэхналогій

26 снежня адбылося адкрыццё камп’ютарнай аўдыторыі роты інфармацыйных тэхналогій, у якой ваеннаслужачыя новага падраздзялення будуць выконваць задачы.

Ва ўрачыстай цырымоніі адкрыцця прынялі ўдзел Міністр абароны Рэспублікі Беларусь генерал-лейтэнант Андрэй Раўкоў і начальнік Генеральнага штаба Узброеных Сіл – першы намеснік Міністра абароны Рэспублікі Беларусь генерал-маёр Алег Белаконеў.

У Ваеннай акадэміі Беларусі, на базе якой сфарміравана ІТ-рота, створана неабходная сучасная інфраструктура для работы і пражывання ваеннаслужачых. У навучальнай установе выконваецца шырокі пералік навукова-даследчых работ, функцыянуе навукова-даследчая частка. Сярод праектаў, якімі займаецца акадэмія, ключавое значэнне маюць праекты, звязаныя з мадэляваннем ваенных дзеянняў, навігацыйным забеспячэннем, распрацоўкай аўтаматызаваных сістэм кіравання і радыёлакацыі. Задачы ваеннаслужачых новага падраздзялення будуць звязаныя непасрэдна з праграмаваннем.

Першапачатковы конкурс у роту інфармацыйных тэхналогій склаў больш за восем чалавек на месца. Для праходжання службы адабраны 40 ваеннаслужачых, якія маюць вышэйшую тэхнічную адукацыю па ІТ-спецыяльнасці, а таксама праявілі найбольшую зацікаўленасць у службе ў ІТ-роце. Гаворка ідзе пра маладых людзей, якім у адпаведнасці з заканадаўствам мелася праходзіць тэрміновую ваенную службу.

Ваеннаслужачыя прайшлі курс пачатковай ваеннай падрыхтоўкі, выканалі практыкаванні стрэльбаў, прынялi Ваенную прысягу, цяпер у іх працягваецца агульнавайсковая падрыхтоўка, затым яны пачнуць выкананне задач па прызначэнні.

Мэта стварэння падраздзялення – далейшае павышэнне эфектыўнасці падрыхтоўкі Узброеных Сіл шляхам максімальнага выкарыстання інтэлектуальнага патэнцыялу спецыялістаў у галіне ІТ-тэхналогій, распрацоўкі праграмнага забеспячэння, спецыяльных і прыкладных праграм сумесна з падраздзяленнямі Ваеннай акадэміі і іншымі навуковымі і навучальнымі ўстановамі Узброеных Сіл.