Замежныя дыпламаты наведалі воінскую часць

20 кастрычніка акрэдытаваныя ў Рэспубліцы Беларусь надзвычайныя і паўнамоцныя паслы, а таксама іншыя дыпламаты з членамі сем’яў па запрашэнні Міністэрства абароны Рэспублікі Беларусь наведалі 120-ю асобную гвардзейскую механізаваную брыгаду Паўночна-Заходняга аператыўнага камандавання.

Удзельнікі сустрэчы азнаёміліся з гісторыяй брыгады і задачамі, якія яна выконвае, асаблівасцямі падрыхтоўкі ваенных спецыялістаў, узорамі стралковай зброі, якая маецца на ўзбраенні ва Узброеных Сілах Рэспублікі Беларусь, узорамі ваеннай формы і экіпіроўкі ваеннаслужачых, наведалі адну з казармаў.

Акрамя гэтага, дыпламаты наведалі палігон «Уручча», азнаёміліся з ходам заняткаў па агнявой і тактычнай падрыхтоўцы, выканалі практыкаванні вучэбных стрэльбаў з розных відаў стралковай зброі.

У мерапрыемстве прынялі ўдзел Міністр абароны Рэспублікі Беларусь генерал-лейтэнант Андрэй Раўкоў і Міністр замежных спраў Рэспублікі Беларусь Уладзімір Макей.