Узгодненасць дзеянняў – аснова поспеху

У вучэбны цэнтр палігона сухапутных войскаў НВАК у горадзе Корла прыехалі амаль усе каманды-ўдзельніцы «АрМГ-2018». У цяперашні час тут завяршаецца этап узгаднення арганізацыйных пытанняў. У мясцовым прэс-цэнтры адбылося пасяджэнне кіраўнікоў каманд-удзельніц і суддзяў конкурсу «Чыстае неба». Былі ўдакладнены і зацверджаны праграмы практычных трэніровак на бліжэйшы час.

Сталі вядомыя і праграмы правядзення конкурсаў, якія будуць праходзіць на тэрыторыі КНР з удзелам беларускіх камандаў. У сілу значнай розніцы ў часавых паясах паміж краінамі конкурсы будуць пачынацца каля 5:00 па беларускім часе. Тым не менш на інтэрнэт-партале Міністэрства абароны Рэспублікі Беларусь па магчымасці будуць арганізаваны прамыя трансляцыі конкурсаў у названыя даты іх правядзення ці запісы трансляцый.

Падтрымаем нашых ваеннаслужачых!

Капітан Яўген Доўгаль, «Ваяр», фота аўтара

Корла – Мінск

Праграма правядзення конкурсу «Чыстае неба»:

31 ліпеня, аўторак, – гонка «Прафесіяналізм»;

4 жніўня, нядзеля, – гонка «Майстэрства»;

6 жніўня, панядзелак – этап «Камбінаваны».

Праграма правядзення конкурсу «Сувораўскі націск»:

30 ліпеня, панядзелак, – індывідуальная гонка (групы A, B, C, D);

1 жніўня, серада, – індывідуальная гонка (групы E, F, G);

5 жніўня, нядзеля, – эстафета «Сувораўскі націск».