Завяршаецца падрыхтоўка да параду

Падрыхтоўка да параду войскаў Мінскага гарнізона ў азнаменаванне Дня Незалежнасці Рэспублікі Беларусь (Дня Рэспублікі) падыходзіць да завяршальнага этапу.

У цяперашні час праводзяцца заключныя трэніроўкі парадных разлікаў.

У складзе 19 пешых парадных разлікаў і 23 парадных разлікаў ваеннай тэхнікі прымуць удзел каля 4000 ваеннаслужачых і больш за 250 адзінак баявой тэхнікі.

Традыцыйна ў парадзе прымуць удзел ваеннаслужачыя Узброеных Сіл Расійскай Федэрацыі.

Упершыню ў парадным страі пройдуць жанчыны-ваеннаслужачыя злучэнняў і воінскіх часцей беларускай арміі і зводны разлік кадэцкіх вучылішч, спецыялізаваных ліцэяў і кадэцкіх карпусоў.

Таксама ўпершыню ў ваенным парадзе войскаў Мінскага гарнізона плануецца ўдзел параднага разліку ваеннаслужачых Народна-вызваленчай арміі Кітая.

Генеральныя рэпетыцыі пройдуць 23 і 28 чэрвеня з 23.00 на скрыжаванні пр. Пераможцаў і пр. Машэрава ў г. Мінску.