У рамках кантролю над узбраеннямі

У перыяд з 12 па 16 красавіка два прадстаўнікі Узброеных Сіл Рэспублікі Беларусь прымаюць удзел у наведванні авіяцыйнай базы і ваеннага аб’екта ўзброеных сіл Французскай Рэспублікі, якія арганізуюцца для прадстаўнікоў дзяржаў-удзельніц АБСЕ ў рамках Венскага дакумента 2011 года.

З 13 па 17 красавіка інспекцыйная група Рэспублікі Беларусь у рамках Дагавора аб звычайных узброеных сілах у Еўропе (ДЗУСЕ) правядзе на тэрыторыі Італьянскай Рэспублікі дзве інспекцыі воінскіх часцей узброеных сіл Італіі і ЗША, якія з’яўляюцца аб’ектамі кантролю згодна з палажэннямі ДЗУСЕ.

У ходзе інспекцый будзе праверана адпаведнасць наяўнасці абмежаваных ДЗУСЕ ўзбраенняў і ваеннай тэхнікі воінскіх часцей іх заяўленай колькасці.