Прамая тэлефонная лінія

Сёння адбылася прамая тэлефонная лінія міністра абароны Рэспублікі Беларусь генерал-маёра Андрэя Раўкова з насельніцтвам. Свае скаргі, прапановы і просьбы жыхары рэспублікі агучвалі на працягу гадзіны. Асноўныя пытанні, з якімі звярнуліся грамадзяне, тычыліся жыллёвага і пенсіённага забеспячэння. Усе грамадзяне, якія звярнуліся да кіраўніка ваеннага ведамства, атрымалі кампетэнтныя растлумачэнні ў рамках дзеючага заканадаўства.