«Танкавы біятлон – 2014». У індывідуальнай гонцы – мы чацвёртыя. (Відэа)

На падмаскоўным палігоне Алабіна падведзены вынікі першага этапу чэмпіянату свету па танкавым біятлоне. Тры дні лепшыя танкабіятлонныя экіпажы з 12 краін свету прыносілі першыя балы ў скарбонку сваёй каманды. На падставе сумы ачкоў усіх экіпажаў па выніках трох этапаў будзе складзены рэйтынг каманд, і толькі чатыры з іх выйдуць у фінал – стартуюць у эстафеце.

У выніку каманда Узброеных Сіл Рэспублікі Беларусь па выніках першага этапу спаборніцтваў – індывідуальнай гонкі – стала чацвёртай, саступіўшы толькі гаспадарам чэмпіянату – танкістам з Расійскай Федэрацыі, а таксама камандам Рэспублікі Казахстан і Рэспублікі Арменія.

Сёння пачынаецца першы тур другога этапа – спрынт. У першы дзень удзел у ім прымуць два нашых экіпажа, ну а трэці экіпаж пазмагаецца з супернікамі заўтра. Спрынт не прынясе балы камандам, затое ён вызначыць час іх старту ў наступным туры другога этапа – гонцы праследавання. У адрозненне ад індывідуальнай гонкі, калі танкістам трэба было паразіць адразу тры тыпа цэляў, у спрынце трэба будзе паразіць толькі мішэні на адлегласці ад 1600 да 1800 метраў і пераадолець участак манеўравання, брод, курган, эскарпа, касагор, макет калейнага моста.

Вынікі другога этапу чэмпіянату свету будуць падведзены ў аўторак вечарам. Сачыце за вынікамі – і хварэйце за нашых!

Агульнакамандныя вынікі індывідуальнай гонкі

Краіна	Сума заваяваных балаў	Выніковае месца
Расійская Федэрацыя	97	1
Рэспубліка Казахстан	95	2
Рэспубліка Арменія	82	3
Рэспубліка Беларусь	78	4
Рэспубліка Індыя	64	5
Рэспубліка Сербія	63	6
Кыргызская Рэспубліка	51	7
Кітайская Народная Рэспубліка	46	8
Баліварыянская Рэспубліка Венесуэла	30	9
Манголія	26	10
Рэспубліка Ангола	20	11
Кувейт	14	12