28 сакавіка – гадавое свята тылу Узброеных Сіл Рэспублікі Беларусь

Гадавое свята тылу Узброеных Сіл Рэспублікі Беларусь устаноўлена загадам Міністра абароны Рэспублікі Беларусь ад 14 лютага 2003 года № 98, з улікам заслуг асабовага складу ў гады Вялікай Айчыннай вайны і эфектыўнай дзейнасці па тылавым забеспячэнні баявой вучобы войскаў у мірны час.

Тыл Узброеных Сіл з’яўляецца неад’емнай часткай абароннага патэнцыялу дзяржавы і сувязным звяном паміж эканомікай краіны і непасрэдна войскамі, якія спажываюць прадукцыю, якая вырабляецца.

У сучасных эканамічных умовах тыл і ўпраўленні і службы, якія ўваходзяць у яго склад, забяспечваюць жыццядзейнасць войскаў, забяспечваюць іх харчаваннем, абмундзіраваннем, гаручым, ажыццяўляюць падвоз матэрыяльных сродкаў, выконваюць іншыя важныя функцыі, якія складаюць аснову падтрымання на высокім узроўні боегатоўнасці Узброеных Сіл.

У цяперашні час сістэма тылавога забеспячэння ўяўляе сабой узаемазвязаную сукупнасць элементаў, аб’яднаных адзінствам мэтаў і задач па ўсебаковым, бесперабойным і поўным тылавым забеспячэнні войскаў ўсім неабходным.

Асноўныя намаганні ў яе развіцці накіраваны на далейшую аптымізацыю сістэмы кіравання, удасканаленне тэрытарыяльнага прынцыпу тылавога забеспячэння, дасягненне якаснага ўзроўню баявой і спецыяльнай падрыхтоўкі воінскіх часцей і арганізацый тылу, накапленне і ўтрыманне запасаў матэрыяльных сродкаў, давядзенне ўсіх відаў забеспячэння да ваеннаслужачых.

Станоўча зарэкамендавала сябе створаная ва Узброеных Сілах сістэма забеспячэння гаручым, якая ўключае ў сябе тры стацыянарныя базы гаручага, базу захоўвання і рамонту тэхнікі службы гаручага, хімматалагічны цэнтр гаручага, два ваенных прадстаўніцтва на НПЗ і вайсковыя склады гаручага.

Працягваюцца работы па ўдасканаленні інфраструктуры службы гаручага і ўстаноўцы на пунктах запраўкі новых палівараздатачных калонак.

Створана і надзейна функцыянуе аўтаматызаваная сістэма ўліку гаручага і тэхнічных сродкаў, якая дазваляе ў маштабе рэальнага часу ажыццяўляць працэсы апрацоўкі, накаплення і выдачы інфармацыі аб наяўнасці і руху матэрыяльных сродкаў службы гаручага ў звяне воінская часць – тэрытарыяльны цэнтр забеспячэння – упраўленне гаручага.

Адной з задач тылу Узброеных Сіл з’яўляецца арганізацыя якаснага харчавання асабовага складу Узброеных Сіл, якое забяспечваюць 98 сталовых: 86 салдацкіх, пяць для лётнага і інжынерна-тэхнічнага складу, тры лячэбных, тры курсанцкіх, адна сувораўская. Акрамя таго, у 27 сталовых харчаванне арганізавана праз РУП «Гандлёва-вытворчае ўпраўленне пры Міністэрстве абароны».

Значна палепшана харчаванне ваеннаслужачых, якія нясуць службу ў гарнізонных і ўнутраных вартах, баявое дзяжурства, якія здзяйсняюць скачкі з парашутам, удзельнікаў ваеннага параду, воінаў роты ганаровай варты, а таксама спартсменаў, вадалазаў і іншых катэгорый. Істотна зменены і так званыя сухія пайкі – агульнавайсковы рацыён харчавання, рацыёны харчавання асабовага складу мабільных падраздзяленняў і асабовага складу падраздзяленняў спецыяльнага прызначэння.

Рэчавае забеспячэнне ваеннаслужачых.

Форма адзення ваеннаслужачых Узброеных Сіл, якая існуе на сённяшні дзень, па сваёй якасці, выгляду, камфортнасці цалкам адпавядае сучасным патрабаванням, якія прад’яўляюцца да ваеннага адзення.

Асабовы склад беларускай арміі носіць баявую форму адзення, вырабленую з баваўняных тканін камбінаванага перапляцення «рып-стоп» з даданнем высокатрывалых поліэфірных нітак. Гэта павялічвае яе якасныя характарыстыкі пры разрыве ў тры разы.

На тканіну наносіцца камуфліраваны малюнак лічбавым метадам. Гэта павышае маскіруючыя характарыстыкі абмундзіравання на 40-60%. У гэтай жа расфарбоўцы вырабляюцца мяшкі спальныя, тэрмаізаляцыйныя дываны, камізэлькі баявыя разгрузныя.

Важным пытаннем з’яўляецца захаванне здароўя ваеннаслужачых.

У беларускай арміі паспяхова функцыянуе сістэма шматузроўневага тэрытарыяльнага медыцынскага забеспячэння. Асноўныя намаганні вайсковага звяна медыцынскай службы сканцэнтраваны на забеспячэнні паўнавартаснай лячэбна-прафілактычнай работы, прафілактыкі захворванняў ваеннаслужачых, аказанні своечасовай медыцынскай дапамогі ва ўстаноўленым аб’ёме ў любых умовах абстаноўкі.

Пры гэтым для аказання медыцынскай дапамогі стацыянарна ў войсках маецца больш за 600 ложкаў медыцынскіх рот і цэнтраў, а таксама больш за 700 ложкаў медыцынскіх пунктаў воінскіх часцей.

Асноўнай медустановай з’яўляецца 432-і галоўны ваенны клінічны медыцынскі цэнтр. Ён мае ліцэнзію на права аказання медыцынскіх паслуг, выдадзеную Міністэрствам аховы здароўя Рэспублікі Беларусь. У структуры замацаваных за яго амбулаторным цэнтрам кантынгентаў ваеннаслужачыя Міністэрства абароны складаюць каля 40%, пенсіянеры Міністэрства абароны – больш за 38%, члены сем’яў ваеннаслужачых – каля 13%, ваеннаслужачыя іншых міністэрстваў і ведамстваў – каля 1,5%, іншыя асобы, якія маюць права на лячэнне ў ваенных медыцынскіх арганізацыях, складаюць больш за 7,5%.

У адпаведнасці з даручэннем Прэзідэнта Рэспублікі Беларусь Аляксандра Лукашэнкі, дадзеных камандаванню Узброеных Сіл пры наведванні 2-й інжынернай брыгады ў лютым 2011 года, актыўна праводзяцца работы па прывядзенню ваенных гарадкоў у належны выгляд.

З таго часу у парадак прыведзены больш за два дзесяткі ваенных гарадкоў, у тым ліку 103-й гвардзейскай асобнай мабільнай брыгады, 5-й асобнай брыгады спецыяльнага прызначэння; адрамантавана 926 розных будынкаў і збудаванняў. Асаблівая ўвага пры гэтым была нададзена абсталяванню і рамонту аб’ектаў сацыякультурнай сферы.

Для забеспячэння службовых памяшканняў ваенных гарадкоў якаснай пітной вадой была распрацавана праграма «Здароўе», у рамках якой выканана каля паўсотні мерапрыемстваў, у тым ліку ўстаноўлены амаль два дзесяткі станцый абезжалезвання вады. У казармах, якія не маюць забеспячэння гарачай вадой, устаноўлены электрычныя бойлеры і душавыя кабіны. Для паляпшэння бытавых умоў пражывання ваеннаслужачых у палявых умовах абсталююцца палявыя душавыя кабіны.

Спецыялісты тылу не толькі забяспечваюць ваеннаслужачых харчаваннем, забяспечваюць злучэнні і воінскія часці палівам, вырашаюць надзённыя жыллёвыя пытанні, але і актыўна займаюцца баявой падрыхтоўкай.

На працягу мінулага года пад кіраўніцтвам начальнікаў структурных падраздзяленняў тылавога забеспячэння Міністэрства абароны і Узброеных Сіл, іх намеснікаў, камандзіраў (начальнікаў) злучэнняў, воінскіх часцей і арганізацый тылу было праведзена – 6 тактыка-спецыяльных вучэнняў, 4 камандна-штабных вучэнні, 21 штабная трэніроўка, 2 паказных пажарна-тактычных вучэнні, 4 тактыка-страявых заняткі.

Акрамя гэтага вучэбна-практычныя задачы выконваліся на 67 аб’ектах Узброеных Сіл і 12 аб’ектах народнай гаспадаркі.

Асноўнымі з іх былі:

рамонт аб’ектаў і добраўпарадкаванне ваенных гарадкоў, у тым ліку месцаў захоўвання ўзбраення, ваеннай і спецыяльнай тэхнікі;

абсталяванне больш за 80 тысяч квадратных метраў супрацьпажарных палос у арсеналах і базах Узброеных Сіл;

рамонт аўтамабільных дарог і чыгунак;

навядзенне і ўтрыманне аўтадарожных мастоў праз рэкі Заходняя Дзвіна, Случ, Дзітва, Свіслач, Сведзь;

устаноўка назіральных вышак у воінскіх часцях Ваенна-паветраных сіл і войскаў супрацьпаветранай абароны;

дэмантаж і кладка аэрадромных пліт, якія выкарыстоўваюцца пры добраўпарадкаванні ваенных гарадкоў.

Аўтамабільным транспартам у мінулым годзе было перавезена каля 4,5 тысячы тон розных грузаў. Чыгуначным транспартам адпраўлена 140 воінскіх эшалонаў і 612 воінскіх транспартаў (больш за 7600 вагонаў).

Аснашчэнне арміі новымі відамі ўзбраення і тэхнікі абумоўлівае неабходнасць пастаяннага ўдасканалення сістэмы тылавога забеспячэння войскаў. Яе перспектыўнае аблічча закладзена ў Канцэпцыі развіцця Узброеных Сіл да 2020 года.

Найважнейшымі напрамкамі ўдасканалення сістэмы тылавога забеспячэння з’яўляюцца:

здольнасць эфектыўна функцыянаваць з апорай на магчымасці прамыслова-эканамічнага комплексу дзяржавы ва ўмовах інтэграцыі сістэм тылавога забеспячэння іншых войскаў і воінскіх фарміраванняў Рэспублікі Беларусь;

шырокае выкарыстанне магчымасцяў эканамічнай базы ўсіх формаў уласнасці ў інтарэсах забеспячэння Узброеных Сіл;

засваенне перспектыўных спосабаў забеспячэння войскаў з дапамогай укаранення высокатэхналагічных методык і абсталявання.

Асноўныя намаганні паўсядзённай дзейнасці тылу плануецца засяродзіць на:

выкананні комплексу мерапрыемстваў па прывядзенню ваенных гарадкоў у адпаведнасць з усталяванымі патрабаваннямі, забеспячэнні своечасовага рамонту сховішчаў узбраення і тэхнікі, рэалізацыі мерапрыемстваў Праграмы Міністэрства абароны па энергазберажэнню;

павышэнні эфектыўнасці мерапрыемстваў, якія праводзяцца ў мэтах рацыянальнага выкарыстання матэрыяльных і грашовых сродкаў;

рэалізацыі (утылізацыі) празмерных і састарэлых тэхнічных сродкаў службаў тылу.

Прэс-служба Міністэрства абароны