З запасу ў строй

У рамках падрыхтоўкі да брыгаднага тактычнага вучэння ў 120-й гвардзейскай асобнай механізаванай брыгадзе Паўночна-заходняга аператыўнага камандавання пройдуць планавыя зборы з ваеннаслужачымі запасу.

19 і 20 сакавіка ў адпаведнасці з планам у брыгаду будзе прызвана больш за 350 ваеннаслужачых запасу з дзевяці ваенных камісарыятаў горада Мінска.

Галоўнымі мэтамі збораў з’яўляюцца:

удасканаленне і аднаўленне ваеннаабавязанымі ведаў па ваенна-ўліковай спецыяльнасці і практычных навыкаў па ўжыванні штатнага ўзбраення, ваеннай і спецыяльнай тэхнікі, а ў афіцэраў – навыкаў кіравання асабовым складам у ходзе выканання задач па прызначэнні;

удасканаленне мабілізацыйнай гатоўнасці войскаў Паўночна-заходняга аператыўнага камандавання.

На заключным этапе збораў ваеннаабавязаныя прымуць удзел у брыгадным тактычным вучэнні.