Гатоўнасць дзяжурных сіл Адзінай рэгіянальнай сістэмы СПА праверана кантрольнымі цэлямі (Відэа)

Працягваецца другі этап праверкі баявой гатоўнасці Узброеных Сіл краіны і Адзінай рэгіянальнай сістэмы СПА Рэспублікі Беларусь і Расійскай Федэрацыі.

15 сакавіка сілы і сродкі ВПС і войскаў СПА, задзейнічаныя ў праверцы, ва ўстаноўленыя тэрміны заступілі на баявое дзяжурства па супрацьпаветранай абароне.

Дзяжурныя сілы па супрацьпаветранай абароне былі правераны палётамі кантрольных цэляў, у якасці якіх выступілі самалёты і верталёты ВПС і войскаў СПА Узброеных Сіл Рэспублікі Беларусь.

Для ўзмацнення задзейнічанага ў праверцы кампанента Адзінай рэгіянальнай сістэмы СПА праведзена перадыслакацыя на аэрадром Баранавічы расійскага самалёта ДРЛВ А-50.

Тэхнічныя характарыстыкі авіяцыйнага комплекса радыёлакацыйнага дазору і навядзення А-50 дазваляюць значна пашырыць магчымасці па радыёлакацыйнай разведцы, навядзенні знішчальнай авіяцыі Беларусі і Расіі, а таксама кіраванні дзяжурнымі сіламі па СПА.