Праверка дзяжурных сіл па супрацьпаветранай абароне

Сёння па задуме правядзення раптоўнай праверкі баявой гатоўнасці Узброеных Сіл, зацверджанай Кіраўніком дзяржавы, дзяжурныя сілы па супрацьпаветранай абароне правяраліся кантрольнымі цэлямі. У якасці кантрольных цэляў выступалі рэальныя паветраныя суда, прычым яны дзейнічалі раптоўна з розных маршрутаў на розных вышынях і хуткасцях.

У адрозненне ад праверкі, якая была праведзена на мінулым тыдні, у гэты раз для супрацьдзеяння паветраным судам-парушальнікам прыцягнуты ўзмоцненыя дзяжурныя сілы і сродкі па супрацьпаветранай абароне.

Гэта было абумоўлена больш складанымі ўмовамі створанай вучэбнай абстаноўкі.

За кошт манеўру падраздзяленнямі радыётэхнічных войскаў значна пашыраны магчымасці па радыёлакацыйнаму выяўленню паветраных аб’ектаў і ацэнцы паветранай абстаноўкі. Павялічылася і колькасць аэрадромаў, з якіх авіяцыя пасля разгрупавання прыцягвалася да нясення баявога дзяжурства па супрацьпаветранай абароне.

Падраздзяленні супрацьпаветранай абароны і авіяцыі, якія правяраліся, спынілі спробы дзеянняў умоўных парушальнікаў паветранай прасторы Рэспублікі Беларусь.

Як і 23 студзеня дзяжурным сілам па супрацьпаветранай абароне даводзілася дзейнічаць ва ўмовах уздзеяння на іх дыверсійна-разведвальных груп ўмоўнага праціўніка на зямлі.

Як адзначылі ў Дзяржаўным сакратарыяце Савета Бяспекі Рэспублікі Беларусь, дзеянням органаў ваеннага кіравання і войскаў, якія правяраліся, будзе дадзена аб’ектыўная ацэнка.