Першыя палёты ў новым навучальным годзе

З першых дзён навучальнага года авіяцыя Ваенна-паветраных сіл і войскаў супрацьпаветранай абароны Рэспублікі Беларусь прыступіла да выканання мерапрыемстваў баявой падрыхтоўкі.

У 116-й гвардзейскай Чырванасцяжнай Радамскай штурмавой авіяцыйнай базе і 181-й баявой верталётнай базе былі праведзены лётна-тактычныя вучэнні. У ходзе вучэнняў адпрацоўвалася выкананне задач па прызначэнні з баявым прымяненнем на авіяцыйных палігонах, перабазіраванне і баявая работа з аператыўных аэрадромаў.

Падчас планавых палётаў у 61-й авіяцыйнай базе асноўная ўвага надаецца ўдасканаленню ўзроўню натрэніраванасці і павышэнню майстэрства лётчыкаў для паспяховага выканання задач баявога дзяжурства па супрацьпаветранай абароне, праверцы тэхнікі пілатавання лётнага саставу ў складаных метэаўмовах.

Першымі ў неба, як правіла, падняліся вопытныя пілоты. Не забыліся ў авіябазах і выпускнікоў мінулага года. У адрозненне ад сваіх старэйшых таварышаў у дні палётаў будучыя паветраныя асы ўдасканальвалі свае практычныя навыкі на комплексных авіяцыйных трэнажорах.