- Навіны
- Узброеныя Сілы
- Ваенная адукацыя
Міністр абароны Беларусі генерал-лейтэнант Віктар Хрэнін уручыў ваеннаслужачым Узброеных Сіл дзяржаўныя ўзнагароды, а таксама пагоны палкоўніка афіцэрам, якім Указам Прэзідэнта Рэспублікі Беларусь прысвоены чарговыя воінскія званні.
У Цэнтральным Доме афіцэраў ва ўрачыстай абстаноўцы кіраўнік абароннага ведамства асабіста ўзнагародзіў ваеннаслужачых медалямі «За адзнаку ў воінскай службе» і ўручыў пагоны.
Генерал-лейтэнант Віктар Хрэнін павіншаваў афіцэраў з важнай падзеяй:
«Гэта ваша заслуга, прызнанне вашага прафесіяналізму, вопыту, дасягненняў узначаленых вамі калектываў.
Але ўзнагароды і званне палкоўніка — гэта яшчэ і дадатковая вялікая адказнасць, якая заключаецца ў тым, што людзі на вас глядзяць, раўняюцца на вас. Вы павінны быць прыкладам, эфектыўнасць вашай працы павінна павысіцца.
Жадаю вам не спыняцца на дасягнутым. У вас яшчэ шмат перспектыў. Вы ўносіце вялікі ўклад у забеспячэнне ваеннай бяспекі. Кожны з вас з гэтай задачай спраўляецца добра. І памятайце, што ў гэтых дасягненнях ёсць і заслуга вашых падначаленых. Не забудзьце сказаць словы падзякі сваім сем'ям за ўклад і цярпенне».
Лейтэнант Вера Бурко, «Ваяр», фота Алега Шышлоўскага і Паліны Дзегцяровай