У Кыргызскай Рэспубліцы адбылося 87-е пасяджэнне Савета міністраў абароны дзяржаў — удзельніц СНД

У рабоце Савета міністраў абароны ўдзельнічалі дэлегацыі Рэспублікі Беларусь, Азербайджанскай Рэспублікі, Рэспублікі Казахстан, Кыргызскай Рэспублікі, Расійскай Федэрацыі, Рэспублікі Таджыкістан і Рэспублікі Узбекістан.

На пасяджэнні Савета міністраў абароны разгледжаны актуальныя пытанні шматбаковага ваеннага супрацоўніцтва і яго далейшага развіцця ў фармаце Садружнасці Незалежных Дзяржаў. Пры абмеркаванні пытанняў парадку дня адбыўся грунтоўны абмен думкамі, выказаны прапановы, накіраваныя на павышэнне баяздольнасці нацыянальных узброеных сіл.

Кіраўнікі абаронных ведамстваў з улікам міжнароднай абстаноўкі прааналізавалі асноўныя вынікі і прыярытэты сумеснай дзейнасці па развіцці ваеннага супрацоўніцтва ў інтарэсах еўразійскай бяспекі і рэгіянальнай стабільнасці. На гэтым фоне прайшло разглядзенне бягучых і перспектыўных задач супрацоўніцтва ў ваеннай сферы.

У рамках тэматычнай накіраванасці пасяджэння кіраўнікі абаронных ведамстваў асаблівую ўвагу надалі пытанням удасканалення аператыўнай і баявой падрыхтоўкі войск (сіл).

У ходзе сумеснай работы разгледжана практыка планавання баявой падрыхтоўкі і намечаны прыярытэты яе арганізацыі ў сучасных умовах; вызначаны напрамкі ўкаранення баявога вопыту ў падрыхтоўку войск; прааналізавана прымяненне беспілотных сістэм і робататэхнічных комплексаў падчас баявых дзеянняў; прадстаўлены баявы вопыт прымянення беспілотных лятальных апаратаў.

Важнае практычнае месца ў рабоце Савета міністраў абароны было адведзена разгляду інфармацыі пра Узброеныя Сілы Кыргызскай Рэспублікі, іх баявы патэнцыял і напрамкі павышэння баегатоўнасці войск у сучасных умовах; вопыту Узброеных Сіл Рэспублікі Беларусь у арганізацыі баявой падрыхтоўкі і палявой выучкі войск; практыкі правядзення Узброенымі Сіламі Рэспублікі Таджыкістан вучэнняў у рамках міжнароднага ваеннага супрацоўніцтва; вопыту ўдзелу Узброеных Сіл Рэспублікі Казахстан у міратворчых місіях Арганізацыі Аб'яднаных Нацый.

Удзельнікі пасяджэння абмеркавалі практычныя аспекты развіцця супрацоўніцтва ў галіне ваеннай адукацыі і падрыхтоўкі кадраў, армейскага спорту, а таксама іншыя пытанні, звязаныя з планаваннем і арганізацыяй сумесных мерапрыемстваў.

Пры абмеркаванні пытанняў парадку дня адбыўся грунтоўны абмен думкамі, выказаны прапановы, накіраваныя на павышэнне баяздольнасці нацыянальных узброеных сіл.

Падчас пасяджэння з дакладам на тэму: «Аб практыцы планавання баявой падрыхтоўкі ва Узброеных Сілах Рэспублікі Беларусь і прыярытэтах яе арганізацыі ў сучасных умовах» выступіў начальнік галоўнага ўпраўлення баявой падрыхтоўкі Узброеных Сіл Беларусі генерал-маёр Дзмітрый Бітны.

Па выніках пасяджэння Савета міністраў абароны падпісаны рашэнні, накіраваныя на далейшае супрацоўніцтва ў ваеннай сферы, умацаванне баявых магчымасцей нацыянальных узброеных сіл, забеспячэнне сумеснай бяспекі.

Удзел беларускага боку ў пасяджэнні дазволіў зверыць гадзіннікі па ключавых сферах узаемадзеяння ў фармаце Садружнасці, а таксама намеціць перспектыўныя напрамкі развіцця ваеннага супрацоўніцтва ў інтарэсах еўразійскай бяспекі і рэгіянальнай стабільнасці.

Наступнае пасяджэнне Савета міністраў абароны дзяржаў — удзельніц СНД адбудзецца ў сакавіку 2027 года ў Таджыкістане.

***

Таксама на палях пасяджэння адбылася сустрэча-знаёмства паміж міністрамі абароны Беларусі і Казахстана.

Кіраўнікі пазначылі тэмы, якія ўяўляюць узаемны інтарэс, абмеркавалі бягучы стан ваеннага супрацоўніцтва паміж краінамі.

Генерал-лейтэнант Віктар Хрэнін запрасіў генерал-маёра Айдоса Мырзахметава наведаць з візітам Беларусь.

Фота Паўла Гузіча