Прэзідэнт Беларусі наведаў выпрабавальны палігон Інстытута парашковай металургіі імя акадэміка А.В.Романа

Прэзідэнт Беларусі Аляксандр Лукашэнка наведаў выпрабавальны палігон Інстытута парашковай металургіі імя акадэміка А.В.Романа, дзе яму прадставілі распрацоўкі Нацыянальнай акадэміі навук грамадзянскага і ваеннага прызначэння. Кіраўніку дзяржавы далажылі аб перспектыўных распрацоўках НАН Беларусі, накіраваных на ўмацаванне тэхналагічнага суверэнітэту.

У сумеснай рабоце вучоных і ваенных Галоўнакамандуючы нацэліў службовых асоб на вынік. У ваеннай сферы адна з актуальных сёння задач, як адзначыў Аляксандр Лукашэнка, — «абнуліць беспілотнікі». Гэта значыць, распрацаваць такія сродкі, якія дазволяць гарантавана і эфектыўна з імі змагацца. Прэзідэнт агледзеў узоры беспілотных лятальных апаратаў. Ён падкрэсліў, што прадукцыя павінна быць актуальнай і запатрабаванай: «Калі мы разумеем, што нам патрэбныя беспілотнікі новага пакалення. Трэба разумець, якія нам патрэбныя».

Таксама Кіраўніку дзяржавы прадэманстравалі выпрабаванні высокаэнергетычных выбуховых рэчываў, аўтамабільную тэхніку ў абароненым выкананні, сродкі бронеаховы і спецыяльнай амуніцыі, сродкі выяўлення, суправаджэння і знішчэння БПЛА.

Фота з афіцыйнага сайта Прэзідэнта Беларусі, тэлеграм-канала «Пул Первого», Арцёма Берасценя