Акрэдытацыйная сустрэча з ваенным аташэ Пасольства Турэцкай Рэспублікі ў Рэспубліцы Беларусь

Начальнік Дэпартамента міжнароднага ваеннага супрацоўніцтва — памочнік Міністра абароны па пытаннях міжнароднага ваеннага супрацоўніцтва генерал-маёр Валерый Рэвенка правёў сустрэчу з прадстаўнікамі Пасольства Турэцкай Рэспублікі ў Рэспубліцы Беларусь.

Мерапрыемства адбылося з нагоды акрэдытацыі пры беларускім абаронным ведамстве ваеннага аташэ палкоўніка Фуркана Чубукчуоглу і яго памочніка падпалкоўніка Фатыха Озджана.

У ходзе сустрэчы абмеркаваны бягучы стан ваеннага супрацоўніцтва паміж абароннымі ведамствамі дзвюх краін, а таксама пытанні рэгіянальнай бяспекі. Бакі пацвердзілі ўзаемнае імкненне да далейшага развіцця двухбаковых адносін і прыхільнасць умацаванню міжнароднай стабільнасці.

Фота Уладзіміра Блінава, «Ваяр»