У Ваеннай акадэміі Беларусі стартаваў Міжнародны ваенна-навуковы форум, прысвечаны ваеннай бяспецы дзяржавы

У Ваеннай акадэміі Беларусі стартаваў Міжнародны ваенна-навуковы форум «Ваенная бяспека дзяржавы: нацыянальны, рэгіянальны і міжнародны аспекты».

У форуме прымаюць удзел прадстаўнікі структурных падраздзяленняў Міністэрства абароны, Дзяржаўнага ваенна-прамысловага камітэта, устаноў вышэйшай адукацыі Беларусі, Расіі, Узбекістана, Казахстана, Кыргызстана, Сербіі і В’етнама.

Да ўдзельнікаў форуму звярнуўся начальнік Генеральнага штаба Узброеных Сіл – першы намеснік Міністра абароны Рэспублікі Беларусь генерал-маёр Павел Муравейка.

Ён адзначыў важнасць навукова-тэхнічнага прагрэсу ў забеспячэнні ваеннай бяспекі дзяржаў і выказаў упэўненасць у тым, што работа форуму стане ўкладам ва ўмацаванне даверу і фарміраванне новых падыходаў да забеспячэння міжнароднай і нацыянальнай бяспекі.

Удзельнікі форуму азнаёміліся з вучэбна-матэрыяльнай базай Ваеннай акадэміі і дасягненнямі курсантаў і афіцэраў у навуковай сферы.

Капітан Канстанцін Бяляўскі, «Ваяр», фота Уладзіміра Блінова