Прэзідэнт Беларусі трымае на асабістым кантролі ход праверкі гатоўнасці ва Узброеных Сілах

Прэзідэнт Беларусі Аляксандр Лукашэнка працягвае трымаць на асабістым кантролі ход праверкі гатоўнасці ва Узброеных Сілах, паведамляе БЕЛТА.

Напярэдадні ў рамках маштабнай праверкі боегатоўнасці Узброеных Сіл Беларусі была пачата праверка аднаго са злучэнняў – асобнай гвардзейскай механізаванай брыгады.

***

Другі дзень праверкі прывядзення ў баявую гатоўнасць механізаванага злучэння.

У адпаведнасці з задумай да праверкі прыцягваюцца яшчэ некалькі падраздзяленняў.

Дзяржаўны сакратар Савета Бяспекі генерал-лейтэнант Аляксандр Вальфовіч правёў агляд гатоўнасці падраздзяленняў, якія прыцягваюцца да праверкі.

Каментарый Дзяржаўнага сакратара Савета Бяспекі генерал-лейтэнанта Аляксандра Вальфовіча:

«У адпаведнасці з задумай сёння праходзіць другі дзень праверкі прывядзення ў баявую гатоўнасць механізаванага злучэння.

Учора адзін з механізаваных батальёнаў у адпаведнасці з атрыманай задачай здзейсніў марш больш за 50 кіламетраў па перасечанай мясцовасці ва ўмовах прымянення дыверсійна-разведвальных груп праціўніка.

Хачу сказаць, што з задачай падраздзялення механізаванага батальёна справіліся. Ва ўстаноўленыя тэрміны здзейснілі марш у прызначаны раён. І ў назначаны час сканцэнтраваліся.

Цяпер займаюцца размяшчэннем у раёне сканцэнтравання і падрыхтоўкай тэхнікі ўзбраення да стральбы са штатнай зброі».

***

Дзяржаўны сакратар Савета Бяспекі генерал-лейтэнант Аляксандр Вальфовіч расказаў пра асаблівасці маштабнай праверкі, ход якой Прэзідэнт Беларусі Аляксандр Лукашэнка трымае на асабістым кантролі:

«Хацелася б акцэнтаваць увагу, што сапраўды, гэта праверка праходзіць па-асабліваму. Выпрацавана новая сістэма: Прэзідэнтам краіны прынята рашэнне наўпрост, мінаючы Міністэрства абароны, мінаючы Міністра абароны, уручыць распараджэнне праз Дзяржаўнага сакратара Савета Бяспекі камандзіру механізаванай брыгады на прывядзенне воінскай часці ў баявую гатоўнасць.

Галоўнакамандуючы кожны дзень трымае на асабістым кантролі парадак правядзення дадзенай праверкі, заслухоўвае Дзяржаўнага сакратара пра асаблівасці, пра тое, як асабовы склад спраўляецца з атрыманымі задачамі, дае адпаведныя ўказанні, таму Міністр абароны ніяк не можа паўплываць на гэты ход праверкі.

Прэзідэнт на самым жорсткім кантролі трымае ход праверкі, таму што ваенна-палітычная абстаноўка і ўсё, што складваецца сёння ў свеце, сапраўды прад’яўляе асаблівыя патрабаванні да баявой гатоўнасці злучэнняў воінскіх часцей. Да іх пастаяннай гатоўнасці і здольнасці выканаць адпаведныя задачы па абароне Рэспублікі Беларусь.

Вядома, накладваюць адбітак і зімовыя ўмовы, мароз, але на асабовы склад гэта, увогуле, дзейнічае бадзёра. І хачу сказаць, што гвардзейцы гэтага злучэння паспяхова выконваюць пастаўленую задачу.

Наперадзе ў нас яшчэ правядзенне кантрольных заняткаў па фізічнай і агнявой падрыхтоўцы. Больш падрабязны аналіз, вядома, мы падвядзем да завяршэння праверкі, пра што будзе даложана Галоўнакамандуючаму».

Фота Канстанціна Бяляўскага