Генерал-палкоўніку ў адстаўцы Аляксандру Чумакову — 84!

Аляксандр Пятровіч з 1997 па 2001 год праходзіў службу на пасадзе Міністра абароны Рэспублікі Беларусь.

Начальнік Генеральнага штаба Узброеных Сіл — першы намеснік Міністра абароны Рэспублікі Беларусь генерал-маёр Павел Муравейка і члены калегіі ваеннага ведамства павіншавалі імянінніка з днём нараджэння.

Генерал-маёр Павел Муравейка зачытаў віншавальны адрас ад Міністра абароны Беларусі генерал-лейтэнанта Віктара Хрэніна.

У слове ў адказ Аляксандр Пятровіч падзякаваў усім за цёплыя віншаванні:

«Мне не падабаецца слова «ў адстаўцы». Я гавару, што служу ў рэзерве! — падкрэсліў імяніннік. — Устаю раніцай і адразу цікаўлюся, як справы ва Узброеных Сілах. Я ганаруся нашым Міністрам абароны Віктарам Генадзьевічам Хрэніным. Мне вельмі прыемна сёння быць тут побач з вамі. Сёння з Узброенымі Сіламі Беларусі лічацца многія. Я ганаруся, што вы дасягнулі такога ўзроўню».

У размове з Аляксандрам Пятровічам прадстаўнікі ваеннай калегіі расказалі аб апошніх дасягненнях і перспектыўных напрамках развіцця Узброеных Сіл.

Фота Паўла Матусевіча