Абмеркаваны пытанні двухбаковага ваеннага супрацоўніцтва паміж Беларуссю і Азербайджанам

У рамках рабочага візіту першага намесніка Міністра абароны Азербайджанскай Рэспублікі – начальніка Генеральнага штаба азербайджанскай арміі генерал-палкоўніка Керыма Веліева адбыліся перагаворы з начальнікам Генеральнага штаба Узброеных Сіл – першым намеснікам Міністра абароны Рэспублікі Беларусь генерал-маёрам Паўлам Муравейкам.

Бакі абмеркавалі бягучы стан двухбаковага ваеннага супрацоўніцтва і намецілі шляхі яго інтэнсіфікацыі ў галінах, якія ўяўляюць узаемную цікавасць.

Фота Уладзіміра Блінова