Тактыка-спецыяльнае вучэнне «Ваенкор-2025»

Журналісты беларускіх СМІ адправіліся ў адно са злучэнняў сіл спецыяльных аперацый для ўдзелу ў тактыка-спецыяльным вучэнні «Ваенкор-2025».

Удзельнікі вучэння пройдуць тыднёвы курс па экстрэмальнай журналістыцы ва ўмовах, максімальна набліжаных да баявых.

***

Тактыка-спецыяльнаму вучэнню «Ваенкор-2025» дадзены старт.

Як праходзіць 1-ы актыўны дзень вучэння і што чакае прадстаўнікоў СМІ наперадзе?

На працягу пяці дзён 26 журналістаў будуць жыць у лагеры ў адпаведнасці з вайсковым распарадкам дня і пройдуць інтэнсіўную падрыхтоўку. Асноўны націск будзе зроблены на навучанне навыкам працы ў зоне ўзброенага канфлікту.

Навучаннем журналістаў будуць займацца лепшыя інструктары воінскай часці сіл спецыяльных аперацый Узброеных Сіл.

Прадстаўнікоў СМІ чакае інтэнсіўная праграма заняткаў. Сярод асноўных прадметаў – агнявая падрыхтоўка, рукапашны бой і самаабарона, асновы ваеннай тапаграфіі і сувязі, медыцынская і інжынерная падрыхтоўка.

Журналістаў навучаць аказваць першую медыцынскую дапамогу і самадапамогу, эвакуіраваць параненых. Яны вывучаць асноўныя прыёмы і правілы выжывання, навучацца здабываць і гатаваць ежу ў экстрэмальных умовах, даведаюцца, як дзейнічаць пад артылерыйскім абстрэлам і пройдуць інтэнсіўную псіхалагічную падрыхтоўку.

Вучэнне праводзіцца пяты раз. Журналісты, якія праходзілі такія вучэнні раней, адзначаюць, што гэта найлепшыя курсы па экстрэмальнай журналістыцы ў Беларусі.

Памочнік Міністра абароны па ідэалагічнай рабоце ва Узброеных Сілах – начальнік галоўнага ўпраўлення ідэалагічнай работы Міністэрства абароны Рэспублікі Беларусь генерал-маёр Леанід Касінскі павіншаваў удзельнікаў з пачаткам тактыка-спецыяльнага вучэння:

“Гэта тактыка-спецыяльнае вучэнне мы пачалі праводзіць па задачы нашага Галоўнакамандуючага, нашага Прэзідэнта, для таго, каб даць вам навыкі работы ў экстрэмальных умовах, замацаваць у вас псіхалагічную гатоўнасць да выканання задач, калі гэта спатрэбіцца для краіны».

***
Тактыка-спецыяльнае вучэнне «Ваенкор-2025» - дзень другі. Пад кіраўніцтвам інструктараў журналісты спасцігаюць азы тактычнай, медыцынскай і вадалазнай падрыхтоўкі. Удзельнікі вучэння трэніруюцца працаваць у экстрэмальных умовах - аказваць дапамогу параненым і дзейнічаць у зоне актыўнасці беспілотнікаў.

На сустрэчы з Сяргей Шылавым беларускія журналісты атрымалі магчымасць даведацца з першых вуснаў аб асаблівасцях працы прадстаўнікоў СМІ ў зоне ваеннага канфлікту.

***
Тактыка-спецыяльнае вучэнне «Ваенкор-2025» - дзень трэці. Ні дня без экстрыму - сёння ва ўдзельнікаў вучэння заняткі па агнявой падрыхтоўцы, пасля якіх журналісты трапілі ў агнявую засаду і пераадолелі псіхалагічную паласу пад пастаянным агнявым уздзеяннем.

 ***
Тактыка-спецыяльнае вучэнне «Ваенкор-2025» - дзень чацвёрты. На чарговым этапе вучэння журналісты працавалі па спецыяльнасці - рыхтавалі рэпартажы ва ўмовах баявых дзеянняў.

Чарговы дзень на «Ваенкор-2025» не абышоўся без выпрабаванняў на трываласць. Прадстаўнікі СМІ здзейснілі 10-кіламетровы марш камбінаваным спосабам з элементамі выжывання і арыентавання на мясцовасці.

На шляху журналістам трэба было хавацца ад варожага беспілотніка і артылерыйскага абстрэлу, абысці засаду ўмоўнага непрыяцеля.

Фота Канстанціна Бяляўскага