Міністр абароны Беларусі накіраваўся з візітам у Ісламскую Рэспубліку Пакістан

Міністр абароны Рэспублікі Беларусь генерал-лейтэнант Віктар Хрэнін адправіўся з першым у гісторыі афіцыйным візітам у Ісламскую Рэспубліку Пакістан.

У рамках мерапрыемства кіраўнік беларускага абароннага ведамства правядзе шэраг сустрэч і перагавораў з прадстаўнікамі ваеннага і палітычнага кіраўніцтва краіны.

Плануецца, што правядзенне візіту дасць магчымасць не толькі надаць імпульс рэалізацыі двухбаковых праектаў у ваеннай сферы, але і будзе садзейнічаць развіццю супрацоўніцтва ў гандлёва-эканамічнай сферы з улікам асаблівай ролі арміі ў грамадстве і эканоміцы Пакістана.

Паведамленне прэс-службы Міністэрства абароны Рэспублікі Беларусь