Вучэбна-метадычны збор з афіцэрамі органаў ідэалагічнай работы

У Мінскай ваеннай камендатуры праходзіць вучэбна-метадычны збор з афіцэрамі органаў ідэалагічнай работы пад кіраўніцтвам памочніка Міністра абароны па ідэалагічнай рабоце ва Узброеных Сілах — начальніка галоўнага ўпраўлення ідэалагічнай работы Міністэрства абароны генерал-маёра Леаніда Касінскага.

У мерапрыемстве прымаюць удзел намеснікі камандуючых ВПС і войскамі СПА, сіламі спецыяльных аперацый, войскамі аператыўных камандаванняў, начальніка дэпартамента транспартнага забеспячэння Міністэрства абароны, начальнікаў ваенных навучальных устаноў, камандзіраў злучэнняў і воінскіх часцей па ідэалагічнай рабоце, начальнікі напрамкаў ідэалагічнай работы абласных (горада Мінска) ваенных камісарыятаў, а таксама слухачы факультэта Генеральнага штаба Ваеннай акадэміі Рэспублікі Беларусь, курсанты.

На зборы з дакладам выступіць Міністр абароны Рэспублікі Беларусь генерал-лейтэнант Віктар Хрэнін.

Запрошаныя госці — старшыня ЦВК Беларусі Ігар Карпенка, Надзвычайны і Паўнамоцны пасол Баліварыянскай Рэспублікі Венесуэла ў Рэспубліцы Беларусь Франклін Рамірэс Араке, дэпутат Палаты прадстаўнікоў Нацыянальнага сходу Рэспублікі Беларусь Вадзім Гігін, карэспандэнт RT Канстанцін Прыдыбайла.

На працягу двух дзён удзельнікі збору абмяркуюць актуальныя пытанні, падвядуць вынікі работы за навучальны год.

***

Міністр абароны Рэспублікі Беларусь генерал-лейтэнант Віктар Хрэнін прыняў удзел у вучэбна-метадычным зборы з афіцэрамі органаў ідэалагічнай работы.

Кіраўнік ваеннага ведамства прааналізаваў асноўныя тэндэнцыі развіцця ваенна-палітычнага становішча вакол Беларусі, а таксама задачы, ускладзеныя на органы ідэалагічнай работы па падтрыманні баявога патэнцыялу Узброеных Сіл.

Генерал-лейтэнант Віктар Хрэнін падкрэсліў, што ранейшае ўпарадкаванне міру незваротна сыходзіць, а за фарміраванне новага разгортваецца сур’ёзная, непрымірымая барацьба:

— Непрымірымая перш за ўсё з той прычыны, што гэта нават не схватка за ўладу ці за геапалітычны ўплыў. Гэта сутыкненне саміх прынцыпаў, на якіх будуць будавацца адносіны краін і народаў на наступным гістарычным этапе. Ад яго зыходу залежыць, ці будзе пабудаваны справядлівы і трывалы мір, які дазволіць развівацца ўсім дзяржавам, ці канфрантацыя прывядзе да апускання чалавецтва ў бездань агрэсіўнай анархіі, унутраных і знешніх расколаў, да страты традыцыйных каштоўнасцяў, новых формаў дыктату, фактычнай адмовы ад базавых правоў і свабод чалавецтва.

Міністр абароны Рэспублікі Беларусь выказаў упэўненасць у тым, што ад устойлівасці Узброеных Сіл, якія з’яўляюцца найбольш кансалідаванай і актыўнай патрыятычнай часткай беларускага грамадства, у цэлым залежыць устойлівасць дзяржавы:

— Менавіта нас з вамі ворагі разглядаюць як сілу, якая ім асабліва перашкаджае раскалоць уладу і грамадства і знішчыць беларускую дзяржаўнасць.

Таксама генерал-лейтэнант Віктар Хрэнін узнагародзіў ваеннаслужачых, якія дасягнулі лепшых вынікаў у службовай дзейнасці.

***

Перад удзельнікамі вучэбна-метадычнага збору з афіцэрамі органаў ідэалагічнай работы выступіў старшыня Цэнтральнай выбарчай камісіі Ігар Карпенка.

Ігар Карпенка расказаў аўдыторыі аб актуальных пытаннях падрыхтоўкі і правядзення выбараў Прэзідэнта Рэспублікі Беларусь.

У прыватнасці, ён закрануў пытанні адзінага дня галасавання, які прайшоў у краіне, расказаў пра тое, як гэта падзея паўплывала на развіццё Беларусі. Былі закрануты некаторыя нюансы выбарчых кампаній.

— Як правіла, выбарчыя кампаніі выкарыстоўваюцца нашымі нядобразычліўцамі для таго, каб падарваць асновы стабільнасці, канстытуцыйнага ладу, — адзначыў Ігар Карпенка. — Кожную выбарчую кампанію мы адчуваем такія ўмяшанні. Гэтыя апаненты падаграваюцца звонку. Гэта так званая мяккая сіла ў пэўны перыяд пачынае рэалізоўваць планы нядобразычліўцаў, якія праследуюць свае геапалітычныя мэты.

Старшыня ЦВК надаў увагу пытанням абароны электаральнага суверэнітэту, напрамкам работы па дасягненні гэтай мэты:

— Усебеларускі народны сход зацвердзіў Канцэпцыю нацыянальнай бяспекі, дзе ўпершыню зацверджаны тэрмін «электаральны суверэнітэт» — гэта неад’емнае права дзяржавы самастойна, без якога-нібудзь умяшання праводзіць выбары, рэферэндумы ў адпаведнасці з Канстытуцыяй і дзеючым заканадаўствам у інтарэсах беларускага народа і дзяржавы.

У завяршэнне выступлення Ігар Карпенка напомніў аб ключавых датах выбараў Прэзідэнта Рэспублікі Беларусь.

Лейтэнант Яўген Лапушка, «Ваяр», фота Паўла Матусевіча