У Цэнтральным Доме афіцэраў прайшоў урачысты сход, прысвечаны Дню ракетных войск і артылерыі

У мерапрыемстве прынялі ўдзел Міністр абароны Беларусі генерал-лейтэнант Віктар Хрэнін, ваеннаслужачыя, грамадзянскі персанал і ветэраны ракетных войск і артылерыі Узброеных Сіл.

Міністр абароны Рэспублікі Беларусь генерал-лейтэнант Віктар Хрэнін:

«Сёння, на фоне войн і канфліктаў у свеце, мы бачым, што менавіта ракетныя і артылерыйскія сістэмы іграюць адну з ключавых роляў дасягнення перавагі над праціўнікам.

Ракетныя войскі і артылерыя беларускай арміі – гэта надзейны агнявы шчыт Айчыны, які па праву з’яўляецца гонарам Узброеных Сіл.

Асабовым складам паспяхова асвоена РСЗА «Паланэз-М». Наладжаны серыйны выпуск і пастаўка ў войскі РСЗА «Бялград-2». Паспяхова прайшлі выпрабаванні баявой машыны «Ураган-МБ».

Багатая гісторыя айчынных ракетных войск і артылерыі, іх узрослыя магчымасці па агнявым паражэнні робяць службу ў гэтым родзе войск асабліва адказнай і ганаровай.

Мы памятаем ваеначальнікаў, якія ўнеслі значны ўклад у будаўніцтва і развіццё РВіА, якія выхавалі годную змену абаронцаў Айчыны.

Працягваючы вашы слаўныя традыцыі, сучаснае пакаленне ваеннаслужачых ракетных войск і артылерыі ўносіць важкі ўклад у забеспячэнне ваеннай бяспекі Беларусі».

Вікторыя Вайцяшонак, «Ваяр», фота Уладзіміра Блінова