Вучэнне “Непарушнае брацтва-2024” уступіла ў актыўную фазу

Міратворчыя кантынгенты адпрацоўваюць блакіраванне і затрыманне ўмоўнай групы баевікоў падчас вучэння АДКБ “Непарушнае брацтва-2024” у Казахстане.

Міратворцы знайшлі ўмоўных баевікоў у пункце перахвату, штурмавымі групамі нанеслі агнявое паражэнне тэхніцы ўмоўнага праціўніка, зрабілі яго захоп і затрыманне. У завяршэнне група канваіравання ажыццявіла дастаўку затрыманых у органы ўнутраных спраў для правядзення следчых мерапрыемстваў.

Ваеннаслужачыя міратворчай роты 103-й Віцебскай асобнай гвардзейскай паветрана-дэсантнай брыгады нясуць службу на блокпастах, патрулююць населеныя пункты. Таксама яны ажыццявілі дастаўку гуманітарнай дапамогі.

Кіраўнік беларускага міратворчага кантынгенту намеснік камандуючага сіламі спецыяльных аперацый Узброеных Сіл палкоўнік Аляксей Ялфімаў:

— Казахстан — адна з тых краін, якая прымала ўдзел у сямі міратворчых місіях ААН у краінах Азіі, Блізкага Усходу і Афрыкі. У цяперашні момант кантынгент з ліку казахстанскіх ваеннаслужачых выконвае міратворчыя задачы на Галанскіх вышынях у складзе місіі Арганізацыі Аб’яднаных Нацый.

Ёсць чаму павучыцца ў нашых сяброў з Казахстана, бо такога досведу ў нас у Беларусі падраздзяленні не мелі.

У цяперашні момант вучэнне “Непарушнае брацтва-2024” уступіла ў актыўную фазу.

Гэты вопыт мы можам у будучым прымяніць у далейшых вучэннях, а таксама пры непасрэдным удзеле нашай краіны ў міратворчых аперацыях пад эгідай ААН.

Падпалкоўнік Алег Някала, «Ваяр», фота аўтара