У Брэсце адбылося ўрачыстае адкрыццё двух дамоў для ваеннаслужачых

Ключы ад арэнднага жылля атрымалі сем’і ваеннаслужачых і грамадзянскага персаналу Брэсцкага гарнізона.

Адкрываючы новы аб’ект, Міністр абароны Беларусі генерал-лейтэнант Віктар Хрэнін адзначыў:

– Прыярытэтам палітыкі нашай дзяржавы з’яўляецца клопат аб ваеннаслужачых. І здача двух дамоў на 143 кватэры з’яўляецца відавочным пацвярджэннем гэтай палітыкі, якая праводзіцца ў нашай краіне.

Але перш за ўсё, мы павінны ўсё памятаць і ведаць, што гэта стала дзякуючы рашэнню, прынятаму нашым Прэзідэнтам Рэспублікі Беларусь, Галоўнакамандуючым Узброенымі Сіламі Аляксандрам Рыгоравічам Лукашэнкам. Менавіта дзякуючы гэтаму рашэнню яшчэ больш за 380 ваеннаслужачых на працягу некалькіх гадоў стануць шчаслівымі ўладальнікамі ключоў ад кватэр.

***

А ў цэлым па краіне за гэтыя гады будзе пабудавана больш за чатыры тысячы кватэр для ваеннаслужачых.

Таксама хачу нагадаць і сказаць, што дзякуючы гэтаму рашэнню ваеннаслужачыя атрымалі права стаць уласнікамі гэтага жылля. Гэта вельмі дарагога каштуе. Мы мусім з вамі пра гэта памятаць.

І я перакананы, што мы яшчэ з большай аддачай, добрасумленна і прыстойна будзем захоўваць мір, стабільнасць, незалежнасць і тэрытарыяльную цэласнасць нашай краіны.

Я з вялікім задавальненнем падзяляю радасць сённяшніх навасёлаў. Жадаю усім прысутным міру, дабра, здароўя і каб у гэтых кватэрах заўсёды было каханне, згода і гучаў дзіцячы смех.

Нагадаем, 13 лютага 2023 года Галоўнакамандуючы Узброенымі Сіламі Аляксандр Лукашэнка падпісаў Указ № 37 "Аб арэндным жыллі для ваеннаслужачых".

Указ абсалютна знакавы: ён прадугледжвае істотныя дадатковыя сацыяльна-прававыя гарантыі для ваеннаслужачых і членаў іх сямей.

Ваеннаслужачыя атрымалі магчымасць стаць уласнікамі арэнднага жылля, у якім пражываюць.

Як не раз адзначаў Кіраўнік дзяржавы, забеспячэнне жыллём бюджэтнікаў і асабліва людзей, якія стаяць на абароне Беларусі, заўсёды будзе прыярытэтам дзяржаўнай жыллёвай палітыкі.

***

«Важна, каб ваеннаслужачыя, пачынаючы службу, ужо былі забяспечаны жыллём», - заявіў камандуючы сіламі спецыяльных аперацый Узброеных Сіл генерал-маёр Вадзім Дзенісенка на ўрачыстым адкрыцці дамоў для ваеннаслужачых.

- Для Брэсцкага гарнізона гэта першыя пабудаваныя службовыя дамы. Пытанне жылля тут заўсёды стаяла востра, і гэтую праблему мы актыўна вырашаем. Па нашых падліках, на працягу двух найбліжэйшых гадоў кватэрнае пытанне ў брэсцкіх ваеннаслужачых сыдзе ў нябыт. Важна, каб ваеннаслужачыя, пачынаючы службу, ужо былі забяспечаны жыллём.

Варта звярнуць увагу на тое, што сем’і, якія сёння атрымалі жыллё, у большасці сваёй – прадстаўнікі маладога пакалення, з ліку ваеннаслужачых кантрактнай службы, прапаршчыкаў, малодшага афіцэрскага складу.

Важна і тое, што сёння ў ваеннаслужачага з’явілася магчымасць ісці па сваім шляху - уступаць у кааператыў і займацца будаўніцтвам, або засяляцца ў арэнднае жыллё і пры надыходзе пэўнай выслугі гадоў ва Узброеных Сілах – мець права атрымаць гэта жыллё бясплатна. Бясспрэчна, гэта станоўчыя моманты, да якіх мы імкнемся.

***

Каментар гвардыі прапаршчыка Аляксандра Герасімчука:

- Вельмі рады такой важнай падзеі, як уручэнне арэнднага жылля. Вельмі доўга чакалі ўласнае жыллё. І вось мы - шчаслівыя ўладальнікі трохпакаёвай кватэры. Служу ўжо 10 гадоў, да гэтага з жонкай Вольгай жылі ў інтэрнаце і на здымных кватэрах. За час службы часта пераязджалі.

У новай кватэры ёсць усё неабходнае, добрае аздабленне. Засталося толькі зрабіць пад сябе рамонт і можна засяляцца.

Для ваеннаслужачага атрыманне арэнднага жылля – гэта выдатная дапамога. Прыемна, што дзяржава клапоціцца аб ваеннаслужачых.

***

Каментарый гвардыі прапаршчыка Аляксандра Карачуна:

– Не перадаць словамі, наколькі мы рады ўласнаму жыллю! Мы з жонкай ужо рыхтаваліся заняцца будаўніцтвам жылля, але дзякуючы палітыцы кіраўніцтва нашай дзяржавы, накіраванай на клопат аб людзях у пагонах, з’явілася магчымасць засяліцца ў бясплатнае жыллё. І больш за тое, у перспектыве з яго бясплатным набыццём.

Гэтую падзею чакалі каля 10 гадоў, і вось сёння мы атрымалі трохпакаёвую кватэру. Яна прасторная, светлая, з добрым рамонтам.

Мая служба звязана непасрэдна з баявой падрыхтоўкай, у тым ліку і з выкананнем задач па ахове Дзяржаўнай мяжы. Прыемна, што з гэтага часу мая сям’я, мой тыл – у добрых умовах.

***

Міністр абароны Беларусі генерал-лейтэнант Віктар Хрэнін азнаёміўся з ходам рэалізацыі ўсенароднаго будаўніцтва Рэспубліканскага цэнтра патрыятычнага выхавання моладзі.

Праект рэалізуецца на тэрыторыі Кобрынскага ўмацавання – мемарыяльнага комплексу «Брэсцкая крэпасць-герой» і мае статус усенароднага будаўніцтва. У лістападзе 2023 года быў дадзены сімвалічны старт будаўніцтву цэнтра.

Аб’ект будзе сучасным, высокатэхналагічным і абсталяваны ўсім неабходным для камфортных умоў пражывання і навучання юных патрыётаў. Многія беларусы далучыліся да ўсенароднага будаўніцтва і ўнеслі свой уклад у будучыню не толькі беларускай моладзі, але і ўсёй краіны. Сярод іх і ваеннаслужачыя Узброеных Сіл Рэспублікі Беларусь.

Нагадваем, што кожны жадаючы можа паўдзельнічаць у будаўніцтве як у складзе працоўных змен, так і дапамагчы фінансава, пералічыўшы сродкі на дабрачынны рахунак.

Фота Яна Гарбанюка, «Ваяр»