Пройдуць выпрабаванні на права прысваення знака "Доблесць і майстэрства"

У перыяд з 27 па 31 мая на базе 103-й асобнай гвардзейскай мабільнай брыгады (г. Віцебск) пройдуць выпрабаванні ваеннаслужачых на права прысваення нагруднага знака "Доблесць і майстэрства", у якіх акрамя ваеннаслужачых Рэспублікі Беларусь прымуць удзел ваеннаслужачыя Паветрана-дэсантных войскаў Узброеных Сіл Расійскай Федэрацыі.

На выпрабаванні прыцягваюцца ваеннаслужачыя, якія прайшлі падрыхтоўку ў воинских часцях па Праграме адзіных кваліфікацыйных выпрабаванняў на права ўзнагароджання нагрудным знакам "Доблесць і майстэрства" або па асобных яе элементах у ходзе планавых заняткаў па баявой падрыхтоўцы, на добраахвотнай аснове.

Сярод асноўных мэтаў мерапрыемства праверка ўзроўню індывідуальнай падрыхтоўкі афіцэраў, прапаршчыкаў, ваеннаслужачых, якія праходзяць ваенную службу па кантракту і прызыву ў сілах спецыяльных аперацый, іншых злучэннях, воінскіх часцях, падраздзяленнях Узброеных Сіл, установе адукацыі "Ваенная акадэмія Рэспублікі Беларусь", ступень іх гатоўнасці да выканання разведвальных і спецыяльных задач у складаных умовах абстаноўкі.

У ходзе выпрабаванняў будуць правераны тэарэтычныя веды і практычныя навыкі удзельнікаў па нарматывах тактыка-спецыяльнай, разведвальнай, агнявой, фізічнай, паветрана-дэсантнай, інжынернай, тапаграфічнай, ваенна-медыцынскай падрыхтоўкі.

Ваеннаслужачыя выканаюць практычныя стральбы з розных відаў зброі, зробяць марш-кідок, а таксама правядуць спарынг-баі.