Аб будаўніцтве рэспубліканскага цэнтра патрыятычнага выхавання моладзі (відэа)

11 лістапада ў Брэсцкай крэпасці будзе дадзены сімвалічны старт будаўніцтву рэспубліканскага цэнтра патрыятычнага выхавання моладзі.

На тэрыторыі Кобрынскага ўмацавання 11 лістапада адбудзецца суботнік, у якім прымуць удзел прадстаўнікі Міністэрства абароны, рэспубліканскіх і мясцовых органаў кіравання, актыў БРСМ, студэнты ВНУ, навучэнцы патрыятычных класаў школ горада, ваеннаслужачыя.

Мерапрыемства адзначыць старт будаўніцтву рэспубліканскага патрыятычнага цэнтра.

Стварэнне цэнтра плануецца ў некалькі этапаў:

1. Пасля першай чаргі рэканструкцыі гэта будзе маштабны комплекс, які складаецца з казарменнага памяшкання, зоны летніх палатачных лагераў, ваенна-спартыўных і ігравых пляцовак.

2. Другая чарга прадугледжвае рэканструкцыю казематаў пад навучальныя класы і сталовай, рамонт паўночна-заходніх варот Брэсцкай крэпасці.

3. Падчас трэцяй чаргі будзе адноўлены заходні форт, дзе размесціцца забаўляльна-асветніцкі комплекс, і будзе добраўпарадкавана прылеглая тэрыторыя.

Нагадваем, што кожны жыхар нашай краіны можа ўнесці ўклад у працяг слаўных традыцый нашага народа, прыняўшы ўдзел у зборы сродкаў на будаўніцтва рэспубліканскага цэнтра патрыятычнага выхавання моладзі ў Брэсцкай крэпасці.

Сканіруйце QR-код з відэа і ўносьце часцінку ў будаўніцтва рэспубліканскага патрыятычнага цэнтра.

Улас. інф.