У цэнтры ўвагі - ваенная псіхалогія

22 мая ў Беларускім дзяржаўным універсітэце на ваенным факультэце прайшла міжнародная навукова-практычная канферэнцыя па тэме: "Ваенная псіхалогія ХХI стагоддзя: тэорыя практыка, перспектывы. Вопыт падрыхтоўкі ваенных псіхолагаў".

У мерапрыемстве прынялі ўдзел прафесарска-выкладчыцкі склад вышэйшых навучальных устаноў Беларусі і Расіі, вайсковыя псіхолагі.

Праца навуковага форуму праходзіла як у рамках пленарных пасяджэнняў, так і па секцыях.

У ходзе пленарнага пасяджэння ўдзельнікі канферэнцыі заслухалі даклады па праблемах псіхалогіі сучаснай вайны і псіхалагічных аспектах падрыхтоўкі ваенных спецыялістаў.

Пры працы па секцыях значная ўвага нададзена ваенна-прыкладным напрамках работы ваенных псіхолагаў.

На канферэнцыі было прадстаўлена больш за 100 дакладаў па найбольш актуальных пытаннях ваеннай псіхалогіі з акцэнтам на перспектыўныя напрамкі развіцця прыкладной ваеннай псіхалагічнай навукі, перш за ўсё, звязаныя з псіхалагічнай падрыхтоўкай да вядзення ваенных дзеянняў, прафілактыкай парушэнняў дысцыпліны, прафесійным псіхалагічным адборам, вывучэннем індывідуальна-псіхалагічных асаблівасцяў ваеннаслужачых і сацыяльна-псіхалагічных працэсаў у воінскіх калектывах.