У рамках двухбаковага ваеннага супрацоўніцтва

У Маскве адбыліся перагаворы Міністра абароны Рэспублікі Беларусь генерал-лейтэнанта Віктара Хрэніна з Міністрам нацыянальнай абароны В’етнама генералам арміі Фан Ван Зянгам.

Бакі абмяняліся думкамі аб сітуацыі ў галіне бяспекі ў свеце і аб ваенна-палітычным становішчы ў Еўрапейскім рэгіёне.

Кіраўнікі ваенных ведамстваў таксама прадметна абмеркавалі бягучы стан двухбаковага ваеннага супрацоўніцтва і шляхі па яго далейшаму развіццю.

Па выніках сустрэчы выказана ўзаемная зацікаўленасць у інтэнсіфікацыі кантактаў у ваеннай сферы.

Улас. інф., фота Яна Гарбанюка