З мэтай супрацьдзеяння выклікам і пагрозам ваеннага характару, накіраваным супраць Саюзнай дзяржавы

Сёння пад старшынствам Міністра абароны Рэспублікі Беларусь генерал-лейтэнанта Віктара Хрэніна ў фармаце відэаканферэнцсувязі праходзіць штогадовае пасяджэнне сумеснай Калегіі міністэрстваў абароны Рэспублікі Беларусь і Расійскай Федэрацыі.

У пасяджэнні сумеснай Калегіі прымаюць удзел Надзвычайны і Паўнамоцны Пасол Расійскай Федэрацыі ў Рэспубліцы Беларусь Барыс Грызлоў, прадстаўнікі Парламенцкага Сходу Саюза Беларусі і Расіі, прадстаўніцтва Пастаяннага Камітэта Саюзнай дзяржавы ў Мінску, апарата аташэ Расійскай Федэрацыі, а таксама эксперты ад абароннага ведамства Беларусі.

Мэта мерапрыемства - арганізацыя практычнай работы па стварэнню і ўмацаванню неабходнага сумеснага ваеннага патэнцыялу з мэтай процідзеяння выклікам і пагрозам ваеннага характару, накіраваным супраць Саюзнай дзяржавы.

У ходзе пасяджэння будуць падведзены вынікі дзейнасці абаронных ведамстваў за мінулы перыяд, выканання мерапрыемстваў па забеспячэнню ваеннай бяспекі Саюзнай дзяржавы, удасканаленню Адзінай рэгіянальнай сістэмы супрацьпаветранай абароны Рэспублікі Беларусь і Расійскай Федэрацыі, удасканаленню аб'яднаных ваенных сістэм.

Міністр абароны Рэспублікі Беларусь генерал-лейтэнант Віктар Хрэнін адзначыў:

- Я перакананы, што сённяшняе пасяджэнне з'яўляецца чарговым сумесным крокам на шляху ўмацавання ваеннай бяспекі нашых дзяржаў. Гэта асабліва важна ў гэты няпросты перыяд не толькі для Беларусі, Расіі і Саюзнай дзяржавы, але і для міжнароднага міру і бяспекі ў цэлым.

Нам разам даводзіцца шукаць меры супрацьдзеяння на беспрэцэдэнтны ціск і працяг гібрыднага ўздзеяння на Беларусь і Расію. Каля граніц Саюзнай дзяржавы праводзіцца неабгрунтаваная мілітарызацыя ўсяго ўсходняга флангу Паўночнаатлантычнага альянсу і актыўна ўдасканальваецца ваенная інфраструктура. На сумежных тэрыторыях у разы павялічана колькасць мерапрыемстваў аператыўнай і баявой падрыхтоўкі Альянсу, больш за тое - з вуснаў палітыкаў гучыць ваяўнічая рыторыка.

Нягледзячы на тое, што адбываецца, у бягучым годзе ў рамках беларуска-расійскага ваеннага супрацоўніцтва ўдалося дасягнуць важных вынікаў.

Працягваецца ўдасканаленне аб'яднаных ваенных сістэм. У гэтых мэтах нашы органы ваеннага кіравання праводзяць сумесныя мерапрыемствы, абменьваюцца перадавым вопытам, удасканальваюць нарматыўную прававую базу, праводзяць сумесныя трэніроўкі. Пачалася падрыхтоўка да правядзення сумеснага аператыўнага вучэння «Шчыт Саюза-2023».

Галоўная мэта сённяшняга пасяджэння сумеснай Калегіі - гэта ў першую чаргу ўдакладненне парадку далейшай работы па стварэнню і ўмацаванню неабходнага сумеснага ваеннага патэнцыялу з мэтай процідзеяння выклікам і пагрозам ваеннага характару, накіраваным супраць Саюзнай дзяржавы.

У ходзе калегіі сярод іншых пытанняў мы заслухаем даклады аб асноўных напрамках процідзеяння спробам фальсіфікацыі гісторыі, а таксама аб стане і напрамках удасканалення Адзінай рэгіянальнай сістэмы супрацьпаветранай абароны. Абмяркуем асновы задумы сумеснага аператыўнага вучэння ўзброеных сіл Расійскай Федэрацыі і Рэспублікі Беларусь «Шчыт Саюза — 2023», якое стане галоўным мерапрыемствам сумеснай падрыхтоўкі органаў ваеннага кіравання і войск у наступным годзе.

Перакананы, што канструктыўнае абмеркаванне пытанняў, якія плануюцца да разгляду на сённяшнім пасяджэнні сумеснай Калегіі, будзе садзейнічаць развіццю і паглыбленню ваеннага супрацоўніцтва, узгадненню пазіцый і перспектыў сумеснай ваеннай дзейнасці на карысць забеспячэння ваеннай бяспекі Саюзнай дзяржавы.

Улас. інф., фота Яна Гарбанюка