Беларускія ваеннаслужачыя прымуць удзел у вучэнні «Усход-2022»

Беларускі воінскі кантынгент прыме ўдзел у стратэгічным камандна-штабным вучэнні «Усход-2022» на тэрыторыі Расійскай Федэрацыі.

Усяго ад Узброеных Сіл Рэспублікі Беларусь будзе задзейнічана звыш 250 ваеннаслужачых адной з механізаваных брыгад Заходняга аператыўнага камандавання.

Кіраўніком вучэння назначаны начальнік Генеральнага штаба Узброеных Сіл Расійскай Федэрацыі генерал арміі Валерый Герасімаў.

Практычныя дзеянні вучэння пройдуць на 13 палігонах Усходняй ваеннай акругі ў перыяд з 30 жніўня па 5 верасня.