«Гэтае месца жывой памяці аб генацыдзе, дзе ўсё зразумела без слоў»

Такім меркаваннем падзяліўся Міністр абароны Рэспублікі Беларусь генерал-лейтэнант Віктар Хрэнін пры наведванні расстрэльных ям у Чанкоўскім лесе пад Гомелем, перадае БЕЛТА.

Рабочая паездка Міністра абароны ў Гомельскую вобласць адбылася напярэдадні Дня ўсенароднай памяці ахвяр Вялікай Айчыннай вайны і генацыду беларускага народа.

Генерал-лейтэнант Віктар Хрэнін пабываў у Чанкаўскім лесе, дзе вядуцца раскопкі на месцы так званых расстрэльных ям часоў Вялікай Айчыннай вайны.

На гэтай тэрыторыі ў 1940-х гадах акупанты расстрэльвалі мірных жыхароў. Спецыялісты падкрэслілі, што немцы ўзмоцнена імкнуліся схаваць свае злачынствы. Масавыя пахаванні — у 3–4 ўзроўню, першы з якіх на глыбіні 2,5 м — да 70 чалавек. За мінулы год выкрыта 13 такіх ям. Па папярэдняй ацэнцы, гэтыя лясныя масавыя пахаванні маюць плошчу пяці футбольных палёў. Таксама адкрыўся яшчэ адзін факт: перад расстрэлам рукі людзей завязвалі ззаду. Характэрны агнястрэльныя раненні ў патыліцу: першы ў цэнтр і некалькі кантрольных.

— Гэта месца жывой памяці, дзе ўсё зразумела без слоў. Тут цалкам раскрываецца значэнне слова «генацыд», і яно не патрабуе дадатковых тлумачэнняў. Кожны можа адчуць маштабы і глыбіню трагедыі, — падкрэсліў кіраўнік ваеннага ведамства.

На мясцовасці выяўлены таксама гільзы рознай каціроўкі, нямецкая пляшка, абцугі з лагера акупантаў, рэшткі асабістых рэчаў мірнага насельніцтва — усё, што захавалася пад тоўшчай зямлі за мінулыя дзесяцігоддзі.

На месцы са старшынёй Гомельскага аблвыканкама Іванам Крупко правялі нараду з абмеркаваннем варыянтаў, як уладкаваць тэрыторыю. «Інфармацыйныя стэнды, прэзентацыі з 3D-эфектам — усё павінна быць максімальна рэалістычна»,— падкрэсліў Іван Крупко.

Таксама генерал-лейтэнант Віктар Хрэнін пацікавіўся, як праходзіць работа, ці дастаткова сіл пошукавага батальёна, ці неабходна ўмацаванне. У маршруце — і мемарыяльны комплекс «Партызанская крынічка», дзе завяршаецца маштабная рэканструкцыя.

Улас. інф.