«Служыце годна!»

На тэрыторыі в/ч 89417 Ваенную прысягу прынялі больш за 400 ваеннаслужачых. Гэтыя бравыя хлопцы будуць праходзіць ратную службу ў злучэннях і воінскіх часцях сіл спецыяльных аперацый Узброеных Сіл.

З гэтай знамянальнай падзеяй навабранцаў павіншаваў начальнік Генеральнага штаба Узброеных Сіл — першы намеснік Міністра абароны Рэспублікі Беларусь генерал-маёр Віктар Гулевіч.

Наперадзе ў хлопцаў служба ў падраздзяленнях спецназа і дэсанта. А гэта інтэнсіўная баявая вучоба: скачкі з парашутам, стрэльбы, марш-кідкі, вучэнні і шмат цікавых мерапрыемстваў баявой падрыхтоўкі.

Маёр Алег Някала, «Ваяр», фота аўтара