Ваеннаслужачыя дапамаглі выратаваць дзіця, якое пацярпела ў ДТЗ

На мінулым тыдні ў Асіповічах адбылося дарожна-транспартнае здарэнне, у выніку якога пацярпелі маленькія дзеці: дзве сястры і іх брат.

Відавочцамі здарэння сталі прапаршчык Віктар Аскірка і старшы сяржант Аляксандр Брыцікаў.

Ваеннаслужачыя 336-й рэактыўнай артылерыйскай брыгады, не губляючы ні секунды, выконваючы ўсе меры засцярогі, даставілі на сваім аўтамабілі ў Асіповіцкую бальніцу 7-гадовую малую, якая мае патрэбу ў тэрміновай медыцынскай дапамозе.

Начальнік Асіповіцкага раённага аддзела Следчага камітэта Беларусі падпалкоўнік юстыцыі Дзмітрый Аўдзейчык аб'явіў ваеннаслужачым падзяку за садзейнічанне Следчаму камітэту ў вырашэнні ўскладзеных на яго задач і выказаў словы ўдзячнасці ад бацькоў дзяўчынкі за здзяйсненне ўчынку, які дапамог выратаваць жыццё дзіцяці.

Улас. інф.