Заява генерал-маёра Віктара Гулевіча (відэа)

Заява начальніка Генеральнага штаба Узброеных Сіл - першага намесніка Міністра абароны Рэспублікі Беларусь генерал-маёра Віктара Гулевіча:

- ЗША і іх саюзнікі працягваюць нарошчваць ваенную прысутнасць каля Дзяржаўных граніц Рэспублікі Беларусь.

Створаная групоўка за апошнія 6 месяцаў вырасла больш чым ў 2 раза як у колькасным, так і ў якасным стаўленні.

З'яўленне ў акваторыі Міжземнага і Балтыйскага мораў групоўкі, якая нясе крылатыя ракеты марскога і паветранага базіравання, павелічэнне авіяцыйнай групоўкі ў краінах Польшчы і Балтыі сведчыць аб нарастаючай пагрозе для Рэспублікі Беларусь.

Неабходна адзначыць, што праводзіцца шэраг вучэнняў на тэрыторыі Ўсходняй і Паўднёваўсходняй Еўропы.

Вучэнне «Абаронца Еўропы», на якім мяркуецца задзейнічаць да 20000 чалавек і вялікая колькасць тэхнікі, яшчэ 7 вучэнняў на тэрыторыі краін, якія мяжуюць з Рэспублікай Беларусь.

Пры гэтым адпрацоўка пытанняў па прымяненні разведвальна-дыверсійных сіл, высадка дэсанта, прымяненне сіл спецыяльных аперацый не сведчыць аб міралюбівай накіраванасці гэтых вучэнняў.

Зыходзячы з гэтага, ва Узброеных Сілах выпрацаваны цэлы комплекс мерапрыемстваў, накіраваных на супрацьдзеянне магчымым пагрозам.

У рамках другога этапа праверкі сіл неадкладнага рэагавання на Заходняе і Паўночна-заходняе аперацыйныя напрамкі вылучаны батальённа-тактычныя групы. Для іх узмацнення вылучаюцца падраздзяленні супрацьпаветранай абароны, ракетных войск і артылерыі, якія будуць забяспечваць іх баявое функцыянаванне.

Створаная Узброенымі Сіламі Украіны групоўка на Паўднёвым аперацыйным напрамку агульнай колькасцю да 20000 чалавек таксама патрабуе ад нас рэакцыі. З мэтай забеспячэння бяспекі Рэспублікі Беларусь на Паўднёвым напрамку сілы падраздзяленняў сіл спецыяльных аперацый разгорнуты на трох тактычных напрамках.

***

У рамках праверкі органаў упраўлення тэрытарыяльнай абароны, з 10 мая 2020 года выканаўчымі камітэтамі Брэсцкай і Гродзенскай абласцей ажыццяўляецца фарміраванне тэрытарыяльных войск Кобрынскага і Лідскага раёнаў адпаведна.

З запасу на ваенныя зборы плануецца прызваць каля 430 чалавек. Пасля заканчэння фарміравання воінскіх часцей тэрытарыяльных войск прызваны асабовы склад пачне выкананне задач па ахове і абароне важных аб'ектаў.

Мерапрыемствы накіраваны на павышэнне здольнасці мясцовых органаў кіравання па фарміраванні тэрытарыяльных войск і гатоўнасці органаў кіравання тэрытарыяльнай абароны і воінскіх часцей тэрытарыяльных войск да выканання задач па прызначэнні.

Улас. інф.