Паведамленне прэс-службы

Паўночнаатлантычны альянс працягвае падрыхтоўку да правядзення буйнейшага вучэння «Defender Europe – 2022».

У перыяд з 1 па 27 мая на палігонах і навучальных цэнтрах 19 еўрапейскіх дзяржаў, а таксама ў акваторыі Балтыйскага і Паўночнага мораў плануецца правядзенне маштабнага шматнацыянальнага вучэння «Абаронца Еўропы-2022».

Асноўнымі пытаннямі, якія плануюцца да адпрацоўкі ў ходзе вучэння, стануць:

адпрацоўка розных варыянтаў па перакідцы кааліцыйных груповак войск (сіл) у Еўропе;

праверка гатоўнасці і магчымасцей інфраструктуры еўрапейскіх дзяржаў па прыёме і размяшчэнні войск (сіл) узмацнення;

прымяненне кааліцыйных груповак войск (сіл) і іх усебаковае забеспячэнне ў ходзе правядзення аперацыі ва Усходняй Еўропе і Прыбалтыцы.

Правядзенне асноўных манеўраў запланавана на палігонах і ў цэнтрах палігоннай падрыхтоўкі сумежных з Рэспублікай Беларусь дзяржаў: «Адажы» (Латвія), «Пабрадэ» (Літва), «Жагань», «Ожыш» (Польшча) і навучальным цэнтры сухапутных войск «Драўска» (Польшча).

Ад узброеных сіл ЗША да вучэння будуць прыцягнуты:

больш за 12000 ваеннаслужачых;

80 адзінак танкаў;

150 адзінак баявых браніраваных машын;

50 адзінак артылерыі;

30 адзінак баявых верталётаў.

Ад краін-удзельніц (на тэрыторыі Польшчы):

каля 6000 ваеннаслужачых;

100 адзінак танкаў;

150 адзінак баявых браніраваных машын;

60 адзінак артылерыі.

Варта адзначыць, што на адзіным аператыўным фоне з шматнацыянальным вучэннем «Абаронца Еўропы-2022» спланавана правядзенне вучэнняў АВС НАТА «Хуткі адказ-2022» (на тэрыторыі Грузіі, Латвіі, Літвы, Паўночнай Македоніі і Нарвегіі) і нацыянальных УС Славакіі «Славацкі шчыт- 2022» на палігоне «Лешт» (Славакія).

Відавочна, што ў цяперашні час Паўночнаатлантычны альянс разглядае Ўсходне-еўрапейскі рэгіён, як найболей верагодны тэатр ваенных дзеянняў.