У рамках міжнароднага ваеннага супрацоўніцтва

З 2010 года ваеннаслужачыя Узброеных Сіл Рэспублікі Беларусь прымаюць удзел у дзейнасці па падтрыманні міжнароднага міру і бяспекі ў складзе Часовых сіл ААН у Ліване. На сённяшні дзень больш за 50 ваеннаслужачых набылі практычны вопыт у ходзе выканання міратворчых задач, тым самым павысілі міжнародны прэстыж Рэспублікі Беларусь.

У верасні бягучага года беларускія ваеннаслужачыя зноў накіруюцца ў Ліванскую Рэспубліку для планавай замены лекараў у складзе ваеннага шпіталя місіі.

У сувязі з гэтым 22 верасня 2021 года ваеннаслужачыя прайшлі адпаведны інструктаж пад кіраўніцтвам начальніка Дэпартамента міжнароднага ваеннага супрацоўніцтва - памочніка Міністра абароны па пытаннях міжнароднага ваеннага супрацоўніцтва генерал-маёра Алега Воінава.