Найвышэйшы ўзровень згуртаванасці і зладжанасці (відэа)

На пляцы 38-й Брэсцкай асобнай гвардзейскай дэсантна-штурмавой брыгады Міністр абароны Рэспублікі Беларусь генерал-лейтэнант Віктар Хрэнін ўзнагародзіў ваеннаслужачых злучэння, якія вызначыліся па выніках здачы інспектарскай праверкі, якая праводзіцца галоўнай ваеннай інспекцыяй Узброеных Сіл Рэспублікі Беларусь у красавіку-маі гэтага года.

Гвардзейцы-дэсантнікі 38 одшбр паказалі толькі выдатныя вынікі па ўсіх прадметах баявой падрыхтоўкі, а таксама высокі ўзровень ратнага майстэрства, вывучкі і навыкаў.

За высокі прафесіяналізм чарговае воінскае званне датэрмінова прысвоена гвардыі маёру Івану Дзенісенка і Антону Цуканаву, гвардыі лейтэнанту Андрэю Галамаге, гвардыі прапаршчыкам Дзмітрыю Андрайчуку, Сяргею Завадзічу і Анатолю Фенюку. Ганаровай граматай Міністра абароны ўзнагароджаны гвардыі падпалкоўнік Андрэй Гардзеюк і гвардыі старшы лейтэнант Уладзімір Безсілка, граматай Міністра абароны - гвардыі падпалкоўнік Валерый Булыга, гвардыі капітаны Васіль Кудласевіч і Аляксандр Рабенак. Каштоўныя падарункі з рук кіраўніка абароннага ведамства атрымалі гвардыі палкоўнікі Дзмітрый Коршунаў і Павел Шкута. Грашыма ўзнагароджаны гвардыі капітаны Андрэй Бужынскі і Сяргей Саўчук.

- На працягу двух тыдняў бягучага года злучэнне здавала сур'ёзны экзамен - праверку галоўнай ваеннай інспекцыі Узброеных Сіл. Праверцы былі падвергнуты асноўныя бакі жыццядзейнасці вашага злучэння. Ход праверкі паказаў высокую адказнасць кожнага ваеннаслужачага брыгады за даручаны ўчастак і жаданне прадэманстраваць найвышэйшы вынік. Рэзультатам сталі выдатныя вынікі ў баявой падрыхтоўцы, прадэманстраваны высокі ўзровень майстэрства, вывучкі і навыкаў. Менавіта гэта і ёсць дэманстрацыя вашай гатоўнасці да рэалізацыі на практыцы дэвізу блакітных берэтаў «Ніхто, акрамя нас!». У ходзе праверкі вы ў чарговы раз пацвердзілі, што годна працягваеце слаўныя традыцыі сваіх папярэднікаў, высока несяце званне гвардзейцаў-дэсантнікаў. Атрыманая вамі падчас праверкі выніковая выдатная адзнака сведчыць аб высокім узроўні згуртаванасці і зладжанасці вашага воінскага калектыву, гатоўнасці і здольнасці злучэння выканаць задачы па прызначэнні. Сваім выдатным вынікам вы ўсталявалі высокую планку і арыенцір узроўню баявой вывучкі, які вам трэба будзе падтрымліваць і ў далейшым. Выказваю ўдзячнасць за вашу ратную працу, за значны ўклад у забеспячэнне ваеннай бяспекі нашай дзяржавы, - сказаў у сваім вітальным слове да дэсантнікаў міністр абароны генерал-лейтэнант Віктар Хрэнін.

Сёння 38-я Брэсцкая асобная гвардзейская дэсантна-штурмавая брыгада - гэта высокамабільнае злучэнне, абсталяванае сучаснымі ўзорамі ўзбраення і ваеннай тэхнікі, адна з лепшых воінскіх часцей беларускай арміі.

У мінулым годзе брыгаду ў час рабочай паездкі наведаў Прэзідэнт Рэспублікі Беларусь Аляксандр Лукашэнка.

Дэсантнікі большую частку сваёй службы праводзяць на палігонах і палявых выхадах, удзельнічаючы ў розных вучэннях, у тым ліку міжнародных, прадстаўляючы нашу краіну за мяжой.

У сакавіку ваеннаслужачыя 38-й брыгады прынялі ўдзел у сумесным расійска-беларускім батальённым тактычным вучэнні, якое прайшло на палігоне «Паліўна» ва Ульянаўску. Вучэнне было прысвечана міратворчай тэматыцы. У БТУ было задзейнічана каля 100 адзінак баявой і спецыяльнай тэхнікі, а таксама верталёты Мі-24 і Мі-8АМТШ.

Гэтай вясной дэсантнікі вытрымалі яшчэ адзін экзамен па палявой вывучцы. Пад кіраўніцтвам камандуючага сіламі спецыяльных аперацый Узброеных Сіл генерал-маёра Вадзіма Дзенісенка прайшло тактычнае вучэнне з 38 одшбр. У ходзе вучэння дэсантнікі адпрацавалі шэраг вучэбна-баявых задач: здзейснілі марш, размясціліся на мясцовасці, правялі баявыя стрэльбы ў складзе падраздзяленняў, пераадолелі водныя перашкоды і здзейснілі скачкі з самалётаў ваенна-транспартнай авіяцыі.

Вялікая ўвага ў брыгадзе надаецца спорту. У гэтым годзе на чэмпіянаце Узброеных Сіл па армейскім рукапашным баі ўпершыню ва ўсіх вагавых катэгорыях пераможцамі сталі прадстаўнікі сіл спецыяльных аперацый. 38 одшбр у зборнай ССО паспяхова прадстаўлялі воіны-спартсмены Аляксандр Гарбаты і Пётр Качалоўскі. А на нядаўнім рэспубліканскім турніры па армейскім рукапашным баі, прысвечаным памяці воінаў-інтэрнацыяналістаў, каманда 38-й дэсантна-штурмавой брыгады заняла 1-е каманднае месца.

Тэма патрыятычнага выхавання - адна з ключавых у рабочым графіку камандзіраў брэсцкага злучэння. Ваеннаслужачыя брыгады з крэатывам і творчай знаходкай падыходзяць да планавання і правядзенні падобных мерапрыемстваў.

Напярэдадні Дня Перамогі ваеннаслужачыя брыгады правялі патрыятычную экспедыцыю па малым населеным пунктам і аграгарадках Брэсцкай вобласці. Гвардзейцы павіншавалі ветэранаў, усклалі кветкі і вянкі да манументаў і брацкіх магіл савецкіх воінаў, якія загінулі ў гады Вялікай Айчыннай вайны, прынялі ўдзел у закладцы памятных алей, пагутарылі з моладдзю і выступілі з тэматычнай канцэртнай праграмай. У рамках акцыі дэсантнікі наведалі 10 населеных пунктаў вобласці.

У канцы мая палігон Брэсцкі стаў пляцоўкай для абласнога этапу ваенна-патрыятычнай гульні «Зарніца», якая ў гэтым годзе была прысвечана 80-годдзю гераічнай абароны Брэсцкай крэпасці. Наперадзе - рэспубліканскі этап конкурсу, які вызначаны на сярэдзіну гэтага месяца.

Гвардзейцы-дэсантнікі брыгады з Брэста з'яўляюцца прыкладам для пераймання і ў грамадзянскім жыцці. У лютым гэтага года ваеннаслужачы тэрміновай службы гвардыі малодшы сяржант Ілля Кобак выратаваў чалавека. Камандзір аддзялення роты аховы і абслугоўвання ў адпачынку прыехаў наведаць бабулю і вынес яе з палаючага дома, не чакаючы ратавальнікаў.

У бліжэйшых перспектывах блакітных берэтаў з 38 одшбр - падрыхтоўка і правядзенне конкурсаў у рамках армейскі міжнародных гульняў. І, вядома, галоўны ратны экзамен года - вучэнне «Захад-2021».

Міністр абароны Рэспублікі Беларусь генерал-лейтэнант Віктар Хрэнін:

- Нацыянальная бяспека (у тым ліку ваенная) мае важнае значэнне для дзяржавы. Яе мы абавязаны забяспечваць на высокім узроўні. Калі ў вучэнні будзем выстаўляць сабе самыя высокія патрабаванні, значыць, справімся і ў баі. Такой высокай ацэнкі, якую атрымалі ваеннаслужачыя 38-й брыгады, дасягнуць вельмі няпроста. Гэта сведчыць аб велізарнай працы, якую людзі ўклалі ў падрыхтоўку, аб вышэйшым узроўні згуртаванасці і вывучкі ваеннага калектыву. На сённяшні момант 38-я брыгада з'яўляецца флагманам у баявой падрыхтоўцы ў нашых Узброеных Сілах і прыкладам для астатніх злучэнняў і вайсковых часцей.

Камандзір 38-й Брэсцкай асобнай гвардзейскай дэсантна-штурмавой брыгады гвардыі палкоўнік Аляксандр Ільюкевіч:

- Праверка ГВІ была ўключана ў план баявой падрыхтоўкі на гэты навучальны год. Мы да яе мэтанакіравана рыхтаваліся і адказна падышлі да гэтага мерапрыемства. І вынік паказалі выдатны. Хачу выказаць словы ўдзячнасці ўсяму асабоваму складу, сваім намеснікам, камандзірам воінскіх часцей і падраздзяленняў. Гэта іх заслуга, іх старанне і праца. Дзякуючы ім, мы застаемся на вядучых пазіцыях у сілах спецыяльных аперацый і Узброеных Сілах.

Камандзір асобнага гвардзейскага дэсантна-штурмавога батальёна гвардыі падпалкоўнік Антон Цуканаў:

- Камандзір ў арміі - гэта, перш за ўсё, лідэр і прыклад для падначаленых. Для гэтага неабходны пэўны пералік ведаў, практычных навыкаў і ўменняў. Добра што, у нас у Ваеннай акадэміі даюць выдатную ваенную адукацыя. Спачатку я скончыў факультэт ваеннай разведкі, а ў мінулым годзе - факультэт Генеральнага штаба. Служба ў сілах спецыяльных аперацый - гэта, перш за ўсё, інтэнсіўная баявая падрыхтоўка. Хуткамяняючаяся і дынамічная абстаноўка на рознага роду вучэннях прымушае цябе думаць нестандартна, прымаць неардынарныя, а часам і нечаканыя для ўмоўнага праціўніка рашэння. Камандзір ніколі не павінен забываць аб тым, што ён залежыць ад сваіх падначаленых. Як ён іх навучыць, так яны і выканаюць задачу. Тут важная калектыўная праца на вынік. Батальён - гэта складаны механізм, якім трэба ўмела кіраваць. Атрыманне чарговага воінскага звання датэрмінова - гэта заслуга не толькі мая. Гэта ацэнка карпатлівай працы кожнага ваеннаслужачага батальёна. Па выніках мінулага навучальнага года мой батальён стаў лепшым у злучэнні. На брыгадным тактычным вучэнні, якое праходзіла вясной гэтага года, мы адпрацавалі на адзнаку «добра». А ў ходзе інспектарскай праверкі мой батальён атрымаў ацэнку «выдатна». Не схаваю, што ўручэнне пагонаў падпалкоўніка датэрмінова - хвалюючы і прыемны момант. Але, думаю, гэта своеасаблівы дадатковы бонус і стымул для будучых перамог і поспехаў. Спыняцца на дасягнутым мы не збіраемся. Толькі наперад!

Намеснік камандзіра разведвальна-дэсантнай роты гвардыі старшы лейтэнант Андрэй Галамага:

- Вельмі хвалюючы момант для мяне. Па выніках праверкі, якую праводзіла галоўная ваенная інспекцыя, мае падначаленыя ўсе прадметы баявой падрыхтоўкі здалі на выдатна. Ганаруся імі. Заўсёды прыемна, калі твае заслугі і поспехі твайго калектыву не застаюцца па-за ўвагай вышэйстаячага камандавання. Што тычыцца асабіста мяне, то свой лёс з арміяй я марыў звязаць з дзяцінства. У мяне ж бацька таксама ваенным быў. Пачынаў я службу ў далёкім 1997 годзе тут жа, у 38-й брыгадзе. Пасля тэрміновай службы застаўся на кантракт. Затым атрымаў званне прапаршчыка. Два з паловай года таму прымерыў афіцэрскія пагоны. Вядома, адразу ўзрасла адказнасць за кожны ўчынак і рашэнне. Бо для камандзіра галоўнае - гэта людзі, ягоны падначалены асабісты склад. Ад цябе залежыць, як ты салдата навучыш, так ён і выканае пастаўленую задачу. Для кожнага падначаленага трэба знайсці патрэбныя словы, клапаціцца пра яго, зразумець, падказаць. За столькі гадоў службы я добра навучыўся разумець і ўнікаць у патрэбы салдат. Галоўная мая задача - зрабіць з учорашніх школьнікаў і студэнтаў сапраўдных мужчын, выхаваць у іх дысцыпліну, сілу духу, стойкасць, адказнасць за свае справы і ўчынкі. Бо служба ў сілах спецыяльных аперацый - гэта не толькі цяльняшка і блакітны бярэт. Галоўнае - быць прыкладам ва ўсім і ў грамадзянскім жыцці.

Падпалкоўнік Аляксандр Палітаеў, «Ваяр», фота Уладзіміра Блінова