У рамках міжнароднага ваеннага супрацоўніцтва (дапоўнена)

Пачаўся афіцыйны візіт у Азербайджанскую Рэспубліку дэлегацыі Узброеных Сіл Рэспублікі Беларусь на чале з Міністрам абароны Беларусі генерал-лейтэнантам Віктарам Хрэніным.

У адпаведнасці з праграмай візіту прадугледжваецца шэраг сустрэч і перамоў кіраўніка беларускай ваеннай дэлегацыі з палітычным і ваенным кіраўніцтвам Азербайджанскай Рэспублікі.

* * *

Дэлегацыю Узброеных Сіл Рэспублікі Беларусь на чале з Міністрам абароны генерал-лейтэнантам Віктарам Хрэніным, якія знаходзяцца з афіцыйным візітам у Баку, прыняў Прэзідэнт Азербайджанскай Рэспублікі Ільхам Аліеў.

У ходзе сустрэчы Ільхам Аліеў падкрэсліў, што сёння Рэспубліка Беларусь і Азербайджанская Рэспубліка дэманструюць высокі ўзровень узаемадзеяння і супрацоўніцтва.

Таксама сёння адбылася сустрэча генерал-лейтэнанта Віктара Хрэніна з яго азербайджанскім калегам генерал-палкоўнікам Закірам Гасанавым. Бакі абмеркавалі стан двухбаковага супрацоўніцтва паміж абароннымі ведамствамі і перспектывы яго развіцця.

Пасля заканчэння сустрэчы бакі зацвердзілі План двухбаковага супрацоўніцтва паміж Міністэрствам абароны Рэспублікі Беларусь і Міністэрствам абароны Азербайджанскай Рэспублікі на 2021 год.

Фота mod.gov.az/