Начальнік Генеральнага штаба Узброеных Сіл Рэспублікі Беларусь правёў тэлефонную размову з калегай з Расіі

Па ініцыятыве беларускага боку адбылася тэлефонная размова начальніка Генеральнага штаба Узброеных Сіл - першага намесніка Міністра абароны Рэспублікі Беларусь генерал-маёра Аляксандра Вальфовіча з начальнікам Генеральнага штаба Узброеных Сіл Расійскай Федэрацыі - першым намеснікам Міністра абароны Расійскай Федэрацыі генералам арміі Валерыем Герасімавым.

У ходзе размовы генерал-маёр Аляксандр Вальфовіч павіншаваў расійскага калегу з надыходзячым дзяржаўным святам - Днём Расіі.

Бакі абмяняліся думкамі па ацэнцы ваенна-палітычнага становішча ва Усходне-еўрапейскім рэгіёне. Было падкрэслена супадзенне поглядаў на пагрозы бяспекі суб'ектам Саюзнай дзяржавы Рэспублікі Беларусь і Расійскай Федэрацыі.

Таксама абмеркаваны пытанні падрыхтоўкі да будучага пасяджэння Ваеннага камітэта АДКБ і актуальныя пытанні ваеннага супрацоўніцтва Беларусі і Расіі:

удзел 24 чэрвеня беларускага параднага разліку ў Парадзе Перамогі ў г. Маскве;

ход падрыхтоўкі і правядзення армейскіх міжнародных гульняў;

падрыхтоўка да вучэння з міратворчымі сіламі АДКБ «Непарушае брацтва - 2020»;

падрыхтоўка да сумеснага стратэгічнага вучэння «Захад-2021»;

удзел падраздзялення Узброеных Сіл Рэспублікі Беларусь у стратэгічным камандна-штабным вучэнні «Каўказ-2020»;

рэалізацыя плана двухбаковага супрацоўніцтва Рэспублікі Беларусь і Расійскай Федэрацыі.

Бакі далі высокую ацэнку ўзроўню ўзаемадзеяння ў ваеннай сферы і намецілі напрамкі яго далейшага развіцця. Размова адбылася ў сяброўскім ключы і насіў канструктыўны характар.