Погляд у мінулае праз малюнак

Сёння адбылося ўрачыстае ўзнагароджанне пераможцаў другога этапа конкурсу на лепшы дзіцячы малюнак «Я помню! Я ганаруся!», прысвечанага 75-й гадавіне Перамогі савецкага народа ў Вялікай Айчыннай вайне. Усяго на конкурс было прадстаўлена 99 работ юных мастакоў з Беларусі і Расіі.

У выніку гарачых спрэчак і аргументаваных абмеркаванняў члены журы прысудзілі першае месца прадстаўніцы Цэнтра дапрызыўнай падрыхтоўкі сярэдняй школы № 34 горада Магілёва адзінаццацікласніцы Паліне Маісеевай за карціну «У памяць загінулых на Буйніцкім полі».

Другое месца заняў сямігадовы мінчанін з СШ № 148 Іван Караванскі і яго малюнак «Дзякуй, прадзядуля!».

Трэцяе месца члены журы аддалі дзесяцігадовай Лізавеце Снежык за маштабны паліхромны алоўкавы малюнак «Салдат-вызваліцель».

Многія ўдзельнікі конкурсу былі ўзнагароджаны заахвочвальнымі прызамі і граматамі.

Уладзімір Шурхавецкі, «Ваяр», фота Яна Гарбанюка

Ніжэй прадстаўлены малюнкі, якія былі адзначаны граматамі Міністра абароны Рэспублікі Беларусь.