У Мінску адбыўся памятны мітынг, прысвечаны 30-годдзю адкрыцця мемарыяла «Востраў Мужнасці і Смутку»

У мерапрыемстве прынялі ўдзел Дзяржаўны сакратар Савета Бяспекі Рэспублікі Беларусь генерал-лейтэнант Аляксандр Вальфовіч, памочнік Міністра абароны па ідэалагічнай рабоце ва Узброеных Сілах — начальнік галоўнага ўпраўлення ідэалагічнай работы Міністэрства абароны Рэспублікі Беларусь генерал-маёр Леанід Касінскі, воіны-інтэрнацыяналісты, прадстаўнікі сілавых структур, органаў дзяржаўнай улады, грамадскіх арганізацый і працоўных калектываў, моладзь, ваеннаслужачыя, а таксама родныя і блізкія салдат, якія не вярнуліся з Афганскай вайны.

Удзельнікі мітынгу ўсклалі кветкі да мемарыяла і ўшанавалі памяць загінуўшых хвілінай маўчання.

Мемарыял «Востраў Мужнасці і Смутку» быў адкрыты 3 жніўня 1996 года і прысвечаны памяці беларусаў, якія загінулі пры выкананні інтэрнацыянальнага абавязку.

Алег Шышлоўскі, «Ваяр», фота Паліны Дзегцяровай.