У Беларусі ўпершыню адбылася акрэдытацыя руандыйскага ваеннага дыпламата

Міністэрства абароны Рэспублікі Беларусь пашырае геаграфію ваеннага супрацоўніцтва з дзяржавамі Афрыкі. У Беларусі ўпершыню адбылася акрэдытацыя руандыйскага ваеннага дыпламата.

У ходзе сустрэчы выконваючы абавязкі начальніка Дэпартамента міжнароднага ваеннага супрацоўніцтва — памочніка Міністра абароны па пытаннях міжнароднага ваеннага супрацоўніцтва палкоўнік Віталь Палуян з аташэ па пытаннях абароны пры Пасольстве Рэспублікі Руанда ў Расійскай Федэрацыі і ў Рэспубліцы Беларусь (па сумяшчальніцтве) палкоўнікам Багума Мпагазе Энтані ўстанавілі рабочыя кантакты і абмеркавалі перспектывы ўзаемадзеяння паміж абароннымі ведамствамі дзвюх краін.

На мерапрыемстве таксама прысутнічаў Надзвычайны і Паўнамоцны Пасол Рэспублікі Руанда ў Расійскай Федэрацыі і ў Рэспубліцы Беларусь (па сумяшчальніцтве) генерал-маёр Джозэф Нзабамвіта, які напярэдадні прыняў удзел у цырымоніі ўручэння Даверчых грамат Прэзідэнту Рэспублікі Беларусь.

Фота Паліны Дзегцяровай