Двухбаковая сустрэча міністраў абароны Рэспублікі Беларусь і Расійскай Федэрацыі

На палях пасяджэння адбылася двухбаковая сустрэча міністраў абароны Рэспублікі Беларусь і Расійскай Федэрацыі.

На сустрэчы Андрэй Белавусаў заявіў:

«Працягваем актыўна развіваць ваеннае і ваенна-тэхнічнае супрацоўніцтва. Гэта асабліва важна ва ўмовах бесперапыннай варожай дзейнасці НАТА каля граніц нашых дзяржаў».

Кіраўнік расійскага ваеннага ведамства нагадаў, што нядаўна паспяхова прайшлі сумесныя вучэнні пад кіраўніцтвам прэзідэнтаў Расіі і Беларусі.

«Гэта вельмі важны момант для ўмацавання нашага ўзаемадзеяння і бяспекі нашых дзяржаў», — падкрэсліў Міністр абароны Расіі.

У сваю чаргу кіраўнік беларускага абароннага ведамства адзначыў:

«Нашы сустрэчы і размовы носяць рэгулярны характар. Мы выкарыстоўваем любую магчымасць, каб абмеркаваць абстаноўку і выпрацаваць адпаведныя шляхі далейшых дзеянняў у рамках СНД, АДКБ, а таксама ў ходзе асабістых зносін. Гэтага патрабуе абстаноўка, якая сёння складваецца вакол Саюзнай дзяржавы».

Генерал-лейтэнант Віктар Хрэнін і Андрэй Белавусаў зверылі гадзіннікі па асноўных напрамках двухбаковага супрацоўніцтва, абмеркавалі магчымыя напрамкі далейшага ўзаемадзеяння.

Фота Паўла Гузіча